അമ്പലപ്പുഴ: പുന്നപ്ര തയ്യില്‍ യൂനുസ് മെമ്പര്‍ ട്രസ്റ്റും വിവിധ വ്യക്തികളും ചേര്‍ന്ന് അങ്കണവാടി കുട്ടികള്‍ക്കായി പഠനോപകരണം വിതരണം ചെയ്യും.
പുന്നപ്ര തെക്ക് പഞ്ചായത്ത് പന്ത്രണ്ടാം വാര്‍ഡിലെ 35-ാം നമ്പര്‍ അങ്കണവാടി കുട്ടികള്‍ക്കാണ് പഠനോപകരണം വിതരണം ചെയ്യുന്നത്.  ഇന്ന് രാവിലെ ഒന്‍പതിന് പുന്നപ്ര യു.കെ.ഡിയില്‍ നടക്കുന്ന ചടങ്ങളില്‍ വാര്‍ഡംഗം ഫൗസിയ അദ്ധ്യക്ഷതവഹിക്കും.
പുന്നപ്ര തെക്ക് ഗ്രാമപഞ്ചായത്ത് പ്രസിഡന്റ് എം. ഷീജ ഉദ്ഘാടനം നിര്‍വഹിക്കും. കുട്ടികള്‍ക്കുള്ള ബ്യാഗ് വിതരണം സാലി പുന്നപ്ര നിര്‍വഹിക്കും.
തുടര്‍ന്ന് കുട്ടികളുടെ വിവിധ കലാപരിപാടികള്‍ നടക്കും. വിജയികള്‍ക്കുള്ള സമ്മാനദാനം ബ്ലോക്ക് പഞ്ചായത്തംഗം ജുനയിദ് നിര്‍വഹിക്കും.
ചടങ്ങളില്‍ വിവിധ കലാ സാംസ്‌ക്കാരിക നേതാക്കള്‍ പങ്കെടുക്കും.