ഉദുമ: അപകടങ്ങള്‍ തുടര്‍ക്കഥയാകുന്ന റോഡുകളിലൊന്നായി മാറുകയാണ് ഉദുമയിലെ നമ്പ്യാര്‍ക്കീച്ചല്‍ റോഡ്. കെ.എസ്.ടി.പി റോഡ് നിര്‍മാണം ആരംഭിച്ചതുമുതല്‍ നാട്ടുകാര്‍ വര്‍ഷങ്ങളായി ഇവിടെ ദുരിതം അനുഭവിക്കുകയാണ്.
നമ്പ്യാര്‍ക്കീച്ചല്‍ എന്നറിയപ്പെടുന്ന ഈ റോഡിന്റെ അപകടാവസ്ഥയെ കുറിച്ചു പൊതുമരാമത്തിന്റെയും കെ.എസ്.ടി.പി അധികൃതരുടെയും മുന്നില്‍ പരാതി നിരത്തിയെങ്കിലും ഒരു നടപടിയും അധികൃതരുടെ ഭാഗത്തുനിന്നുമുണ്ടായില്ല. ഒരു പാട് അപകടമരണങ്ങള്‍ ഇവിടെ സംഭവിച്ചിട്ടുണ്ട്. പലരും പരുക്കുകളുമായി ദുരിതം പേറുന്നുമുണ്ട്.
സംസ്ഥാന ഹൈവേയുടെ അനുബന്ധ റോഡായതിനാല്‍ ചില ഭാഗങ്ങളില്‍ അറ്റകുറ്റപ്പണികള്‍ അധികൃതര്‍ നടത്തുന്നുണ്ട്. എന്നാല്‍ നമ്പ്യാര്‍ക്കീച്ചലിന്റെ കാര്യത്തില്‍ എന്നും അവഗണന തന്നെയാണെന്നാണു നാട്ടുകാരുടെ പരാതി.