കാസര്‍കോട്: തളങ്കര പള്ളിക്കാല്‍ ക്രിക്കറ്റ് ക്ലബിന്റെ ആഭിമുഖ്യത്തില്‍ ത്രിദിന മെഗാ ഡേ നൈറ്റ് ക്രിക്കറ്റ് ഈവന്റ് നാളെ മുതല്‍ 28 വരെ തളങ്കര ഗവ. മുസ്‌ലിം ഹൈസ്‌കൂള്‍ ഗ്രൗണ്ടില്‍ നടക്കും. 27നു വൈകിട്ട് ആറിനു മുന്‍ ഇന്ത്യന്‍ ടീം താരം യൂസഫ് പഠാന്‍ ഉദ്ഘാടനം ചെയ്യും. കേരള, കര്‍ണാടക, തമിഴ്‌നാട് സംസ്ഥാനങ്ങളില്‍ നിന്നും മുംബൈയില്‍ നിന്നുമുള്ള 16 ടീമുകള്‍ മൂന്നു രാപ്പകലുകളിലായി നടക്കുന്ന ടൂര്‍ണമെന്റില്‍ മാറ്റുരക്കും. ആറു ഓവറിലാണ് മത്സരം.
നാലു ഗ്രൂപ്പുകളിലായി ലീഗ് അടിസ്ഥാനത്തിലാണു മത്സരങ്ങള്‍. രാവിലെ ഒന്‍പതിനു മത്സരം ആരംഭിക്കും. ജേതാക്കള്‍ക്കു രണ്ടുലക്ഷം രൂപ പ്രൈസ് മണിയും മുംബൈയില്‍ പ്രത്യേകം രൂപകല്‍പന ചെയ്ത വെല്‍ഫിറ്റ് ട്രോഫിയും സമ്മാനിക്കും. പ്രവേശനം സൗജന്യമാണ്.
വാര്‍ത്താസമ്മേളനത്തില്‍ ടൂര്‍ണമെന്റ് കമ്മിറ്റി ചെയര്‍മാന്‍ യഹ്‌യ തളങ്കര, അച്ചു അഷ്‌റഫ്, ടി.എ ഷാഫി, സി.എം മുസ്തഫ, പി.എ സലാം, പി.എ നവാസ്, ബച്ചി കാര്‍വാര്‍ സംബന്ധിച്ചു.