ചെറുപുഴ: ചെറുപുഴ ബസ് സ്റ്റാന്‍ഡില്‍ ബസ് ജീവനക്കാര്‍ തമ്മില്‍ വാക്കേറ്റവും സംഘര്‍ഷവും തുടര്‍ക്കഥയാകുന്നു. സമയ തര്‍ക്കമാണ് പ്രധാനമായും പ്രശ്‌നങ്ങള്‍ക്ക് കാരണം. ചെറുപുഴ പെരിങ്ങോം റോഡിന്റെ നിര്‍മാണ പ്രവൃത്തി നടക്കുന്നതിനാല്‍ കൃത്യമായ സമയം പാലിക്കാന്‍ കഴിയുന്നില്ലെന്നാണ് ചില ബസ് ജീവനക്കാരുടെ വാദം. ഇതേചൊല്ലി ഇന്നലെ രാവിലെ 10.35ന് ചെറുപുഴ ബസ്സ്റ്റാന്‍ഡില്‍ രണ്ടു സ്വകാര്യ ബസ് ജീവനക്കാര്‍ തമ്മില്‍ സംഘര്‍മുണ്ടായി. കാഞ്ഞങ്ങാടു നിന്നു ചെറുപുഴ വഴി തിരുമേനിക്കു പോകുന്ന ബസിലെ ജീവനക്കാരും ചെറുപുഴയില്‍ നിന്നു പ്രാപ്പോയില്‍ മൂന്നാംകുന്ന് വഴി തളിപ്പറമ്പിനു പോകുന്ന ബസിലെ ജീവനക്കാരും തമ്മിലാണ് സംഘര്‍ഷമുണ്ടായത്