പൊന്നാനി: ബീവറേജ് മാനേജരെ കയ്യേറ്റം ചെയ്ത കേസില്‍ ഒരാള്‍ അറസ്റ്റില്‍ . പൊന്നാനി ഫയര്‍ സ്റ്റേഷന് സമീപം താമസിക്കുന്ന ഈസപ്പക്കന്റകത്ത് ഹംസത്ത് എന്നയാളെയാണ് ഇന്നലെ പൊന്നാനി പൊലിസ് സബ്ഇന്‍സ്‌പെക്ടര്‍ ശശീന്ദ്രന്‍ മേലയില്‍ അറസ്റ്റു ചെയ്തത്.
പൊന്നാനി പൊലിസ് സ്റ്റേഷന്‍ പരിധിയിലെ സ്ഥിരം അടിപിടിക്കാരനും നിരവധി കേസിലെ പ്രതിയുമാണ് ഇയാള്‍. ഇന്നലെ പൊന്നാനി ബീവറേജ് ഔട്ട്‌ലെറ്റിലെ മാനേജരെ കയ്യേറ്റം ചെയ്ത കുറ്റത്തിനാണ് ഇയാളെ അറസ്റ്റ് ചെയ്തത്. ഇന്ന് പൊന്നാനി കോടതിയില്‍ ഹാജരാക്കിയ ഇയാളെ കോടതി റിമാന്‍ഡ് ചെയ്തു.