മലപ്പുറം: 'ഹുബ്ബുര്‍റസൂല്‍; ഹുബ്ബുല്‍ വത്വന്‍' എന്ന പ്രമേയത്തില്‍ എസ്.വൈ.എസ് സംസ്ഥാന വ്യാപകമായി ആചരിച്ച മീലാദ കാംപയിന്റ സമാപനം 29നു കോഴിക്കോട്ട് നടക്കും. വൈകിട്ട് മൂന്നിനു സമസ്ത ജനറല്‍ സെക്രട്ടറി കെ. ആലിക്കുട്ടി മുസ്‌ലിയാര്‍ ഉദ്ഘാടനം ചെയ്യും. സിംസാറുല്‍ ഹഖ് ഹുദവി മദ്ഹുര്‍റസൂല്‍ പ്രഭാഷണം നടത്തും.
മഗ്‌രിബ് നിസ്‌കാരാനന്തരം നടക്കുന്ന ആശയ സംവാദത്തില്‍ അബ്ദുല്‍ ഹമീദ് ഫൈസി അമ്പലക്കടവ്, റഹ്മത്തുള്ളാഹ് ഖാസിമി മൂത്തേടം, എം.ടി അബൂബക്കര്‍ ദാരിമി വിഷയാവതരണം നടത്തും.
സംഗമം വിജയിപ്പിക്കാന്‍ എസ്.വൈ.എസ് മണ്ഡലം, പഞ്ചായത്ത്, ശാഖാ ഭാരവാഹികള്‍ രംഗത്തിറങ്ങണമെന്ന് എസ്.വൈ.എസ് ജില്ലാ പ്രസിഡന്റ് പാണക്കാട് സയ്യിദ് അബ്ബാസലി ശിഹാബ് തങ്ങള്‍ അഭ്യര്‍ഥിച്ചു.