കൊല്ലം: ഈസ്റ്റ് പൊലിസ് പരിധിയില്‍പ്പെട്ട ഇരുന്നൂറോളം നിര്‍ധന കുടുംബങ്ങള്‍ക്ക് ഭക്ഷ്യധാന്യകിറ്റ് വിതരണം ചെയ്തു. കൊല്ലം ഈസ്റ്റ് പൊലിസും റോട്ടറി ക്ലബും ചേര്‍ന്ന് സംഘടിപ്പിച്ച പരിപാടി എം. നൗഷാദ് എം.എല്‍.എ ഉദ്ഘാടനം ചെയ്തു. ഭക്ഷ്യധാന്യകിറ്റിന്റെ വിതരണോദ്ഘാടനം കോര്‍പറേഷന്‍ പ്രതിപക്ഷനേതാവ് എ.കെ ഹഫീസ് നിര്‍വ്വഹിച്ചു.ഈസ്റ്റ് പൊലിസ് സ്റ്റേഷന്‍ അങ്കണത്തില്‍ കൃഷി ചെയ്ത പച്ചക്കറിയുടെ വിളവെടുപ്പ് കൊല്ലം സിറ്റി പൊലീസ് കമ്മിഷണര്‍ ഡോ.സതീഷ്ബിനോ ഉദ്ഘാടനം ചെയ്തു.
കോര്‍പറേഷന്‍ സ്റ്റാന്റിങ് കമ്മിറ്റി ചെയര്‍പേഴ്‌സണ്‍ ചിന്താ സജിത്,കോര്‍പറേഷന്‍ കൗണ്‍സിലര്‍മാര്‍,കൊല്ലം ഈസ്റ്റ് സി.ഐ മഞ്ജുലാല്‍,എസ്.ഐ അബ്ദുള്‍ റഹ്മാന്‍ എന്നിവര്‍ സംസാരിച്ചു.