കടുത്തുരുത്തി: ഇടിമിന്നലേറ്റ് വീട് തകര്‍ന്നു. വീടിനുള്ളില്‍ കിടന്നുറങ്ങുകയായിരുന്ന പതിമൂന്നുകാരന് മിന്നലേറ്റ് പൊള്ളലേറ്റൂ. കാട്ടാമ്പാക്ക് കരിക്കോളില്‍ വി.കെ. ബാബുവിന്റെ വീടാണ് മിന്നലേറ്റ് തകര്‍ന്നത്.
ഇന്നലെ പുലര്‍ച്ചെ 4.45 ഓടെയാണ് സംഭവം. വയറിംഗും ഇലക്ട്രിക്, ഇലക്‌ട്രോണിക് ഉപകരണങ്ങളും കത്തി നശിച്ചു. വൈദ്യൂതിപ്രവാഹത്തെ തുടര്‍ന്ന് വയറിംഗും ഇലക്ട്രിക് ഉപകരണങ്ങളും പൊട്ടി തെറിച്ചു. പൊട്ടിതെറിച്ച വൈദ്യൂതോപകരണങ്ങള്‍ തെറിച്ചു വീണാണ് ബാബുവിന്റെ മകന്‍ അഭിദേവിന് പൊള്ളലേറ്റത്. വീട് ഭാഗികമായി തകര്‍ന്ന നിലയിലാണ്. റവന്യു, പഞ്ചായത്ത് അധികൃതര്‍ സ്ഥലം സന്ദര്‍ശിച്ചു നാശനഷ്ടം വിലയിരുത്തി.