കൊടകര: പൊലിസ് പട്രോളിങ്ങിനിടെ വാറ്റുചാരായ വില്‍പനക്കാരന്‍ പിടിയിലായി. ആലത്തൂര്‍ തറയിലക്കാട് കിഷോര്‍ (32) ആണ് ഒരു ലിറ്റര്‍ വാറ്റു ചാരായവും ചാരായം വിട്ടു കിട്ടിയ 460 രൂപയും സഹിതം ആലത്തൂരില്‍ നിന്നും കൊടകര എസ്.ഐ കെ എസ് സുബീഷ്‌മോന്റെ പിടിയിലായത്.
പ്രതിയെ ചോദ്യം ചെയ്തതില്‍ നിന്നും കിട്ടിയ വിവരം അനുസരിച്ചു കിഷോറിന് ചാരായം നല്‍കിയ ആനന്ദപുരം ചേലക്ക വീട്ടില്‍ ഷൈജുവിന്റെ വീട്ടില്‍ പുതുക്കാട് സി.ഐ എസ്.പി സുധീരന്റെ നേതൃത്വത്തില്‍ പൊലിസ് തെരച്ചില്‍ നടത്തി. ഷൈജുവിന്റെ വീടിനു പുറകില്‍ ചെടികള്‍ക്കിടയില്‍ ഒളിപ്പിച്ച നിലയില്‍ ഒരു ലിറ്റര്‍ വാറ്റു ചാരായം പൊലിസ് പിടികൂടി.കൊടകര പൊലിസും, പുതുക്കാട് പൊലിസും കേസ്സെടുത്തു. കോടതിയില്‍ ഹാജരാക്കിയ കിഷോറിനെ റിമാന്‍ഡ് ചെയ്തു.