കോട്ടയം: പാമ്പാടി ബാലഭവനിലെ കുട്ടികള്‍ക്കൊപ്പം പാട്ടുംനൃത്തവുമായി പുതുമയാര്‍ന്ന പരിപാടികളുമായി വൈ.എം.സി.എ ക്രിസ്മസ് ആഘോഷം സംഘടിപ്പിച്ചു.
വൈ.എം.സി.എ കോട്ടയം സബ് റീജണിന്റെയും കുഴിമറ്റം വൈ.എം.സി.എയുടെയും സംയുക്താഭിമുഖ്യത്തില്‍ നടത്തിയ ക്രിസ്മസ് പുതുവത്സരാഘോഷം 'ബെല്‍സ് ആന്‍ഡ് കാരള്‍സ്' കുഴിമറ്റം ബഥനി ആശ്രമം സുപ്പീരിയര്‍ ജോസഫ് റമ്പാന്‍ ക്രിസ്മസ് സന്ദേശം നല്‍കി ഉദ്ഘാടനം ചെയ്തു. സബ് റീജണല്‍ ചെയര്‍മാന്‍ അരുണ്‍ മര്‍ക്കോസ് അധ്യക്ഷനായി. കുഴിമറ്റം വൈ.എം.സി.എ പ്രസിഡന്റ് രഞ്ജു കെ. മാത്യു മുഖ്യപ്രഭാഷണം നടത്തി. ദയറാ മാനേജര്‍ ഫാ. മാത്യു കെ. ജോണ്‍, ജോമി കുര്യാക്കോസ്, ബിനോ തോമസ്, സി.ആര്‍ ഗീവര്‍ഗീസ്, പി.വി ചെറിയാന്‍ എന്നിവര്‍ പ്രസംഗിച്ചു. കുഴിമറ്റം വൈ.എം.സി.എയിലെയും ബാലഭവനിലെയും അംഗങ്ങള്‍ കാരള്‍ ഗാനങ്ങള്‍ ആലപിച്ചു. പാമ്പാടി ബാലഭവനിലെയും അഭയഭവനിലെയും അന്തേവാസികള്‍ക്കൊപ്പം വൈ.എം.സി.എ ഒരുക്കിയ ഭക്ഷണത്തിനുശേഷമാണ് ആഘോഷം സമാപിച്ചത്.