അടിമാലി: എസ്.എന്‍.ഡി.പി യോഗം ജനറല്‍ സെക്രട്ടറി വെള്ളാപ്പള്ളി നടേശനും കുടുംബവും സഞ്ചരിച്ചിരുന്ന കാറിന് പിന്നില്‍ ബസ് തട്ടി. ആര്‍ക്കും പരുക്കില്ല. കൊച്ചി- ധനുഷ്‌ക്കോടി ദേശീയപാതയില്‍ അടിമാലിയ്ക്ക് സമീപം പതിനാലാം മൈലിലാണ് അപകടം.
ഇന്നലെ രാവിലെ 11 മണിയോടെ അടിമാലിയില്‍ എസ്.എന്‍.ഡി.പി.യോഗത്തിന്റെ പരിപാടിയില്‍ പങ്കെടുക്കുവാന്‍ വരവേയാണ് അപകടം. ഭാര്യ പ്രീതി നടേശനും ഒപ്പമുണ്ടായിരുന്നു. പിന്നില്‍ നിന്നും വന്ന സ്വകാര്യ ബസ് കാറിന്റെ പിന്‍ഭാഗത്ത് ഇടിക്കുകയായിരുന്നു. ട്രാഫിക്ക് പൊലിസ് സ്ഥലത്തെത്തി മേല്‍നടപടികള്‍ സ്വീകരിച്ചു.