കടുത്തുരുത്തി: നിയന്ത്രണം വിട്ട താഴ്ച്ചയിലേക്ക് മറിഞ്ഞ് അപകടം. കാറിനുള്ളിലുണ്ടായിരുന്ന യാത്രക്കാര്‍ നിസാര പരിക്കുകളോടെ രക്ഷപെട്ടു. കോട്ടയം വെള്ളൂര്‍ സ്വദേശികളായ ചക്കാലയ്ക്കല്‍ സി.പി. തോമസ്, ലൂസ് ജോര്‍ജ്, മരിയ ഡാര്‍വിന്‍, തെരേസ് എന്നിവരാണ് കാറിലുണ്ടായിരുന്നത്. ഞായറാഴ്ച്ച രാത്രിയോടെ കടുത്തുരുത്തി ബ്ലോക്ക് ജംഗ്ഷനിലാണ് അപകടം. ഡ്രൈവര്‍ ഉറങ്ങി പോയതാണ് അപകടത്തിന് കാരണമെന്ന് പോലീസ് പറഞ്ഞു. സ്ഥലത്തെത്തിയ ഫയര്‍ഫോഴ്‌സാണ് കാറിനുള്ളില്‍ കുടുങ്ങിയവരെ പുറത്തെടുത്ത് സമീപത്തെ ആശുപത്രിയിലെത്തിച്ചത്. അങ്കമാലിയില്‍ നിന്നും കോട്ടയത്തേക്ക് പോവൂകയായിരുന്നു കാറിലുണ്ടായിരുന്നവര്‍. അപകടത്തില്‍ കാര്‍ പൂര്‍ണമായും തകര്‍ന്നു.