തൃക്കരിപ്പൂര്‍: ഐ.എസ്.എല്‍ താരം മുഹമ്മദ് റാഫിയുടെ നേതൃത്തത്തിലുള്ള തൃക്കരിപ്പൂര്‍ ഫുട്‌ബോള്‍ അക്കാദമിയിലെ മൂന്ന് ബാച്ചുകളിലെ 80 കുട്ടികള്‍ക്കുള്ള സ്‌പോര്‍ട്‌സ് കിറ്റ് വിതരണം അക്കാദമി ടെക്‌നിക്കല്‍ ഡയറക്ടര്‍ കൂടിയായ റാഫി നിര്‍വഹിച്ചു. അക്കാദമിയുടെ ജില്ലാ 'ബി' ഡിവിഷന്‍ ടീമിന്റെ ജേഴ്‌സി കേരളാ സന്തോഷ് ട്രോഫി താരം ടി.സജിത്ത്, മുഹമ്മദ് റാഫി എന്നിവര്‍ ചേര്‍ന്ന് പ്രകാശനം ചെയ്തു. മലേഷ്യയില്‍ നടന്ന ലോക മാസ്‌റ്റേഴ്‌സ് അത്‌ലറ്റിക് മീറ്റില്‍ സ്വര്‍ണം നേടിയ പവിത്രന്‍, സംസ്ഥാന മികച്ച അധ്യാപക അവാര്‍ഡ് നേടിയ പി.പി.അശോകന്‍ മാസ്റ്റര്‍ എന്നിവരെ ആദരിച്ചു. ടി.പി ശാഹുല്‍ ഹമീദ് അധ്യക്ഷത വഹിച്ചു, പ്രസിഡണ്ട് എന്‍.കെ.പി. അബ്ദുല്‍ അസീസ് ഉദ്ഘാടനം ചെയ്തു. സി.ദാവൂദ് സ്വാഗതവും, എം.അഹമ്മദ് റാഷിദ് നന്ദിയും പറഞ്ഞു. മുന്‍ ഫുട്‌ബോള്‍ താരങ്ങളായ വി.പി.സിദ്ദിഖ്, സി.അബ്ദുല്‍ റഹ്മാന്‍, ടി.ബാലകൃഷ്ണന്‍, അഷ്‌റഫ് ഔലിയ, എ.ജി.മുസ്തഫ, പി.മുസ്തഫ, യു .പി.ഷറഫുദ്ദിന്‍, എന്‍.കെ.പി. സിറാജ്, ഡയറക്ടര്‍ മസൂദ് മുഹമ്മദ്, വി.പി.പി.ഷുഹൈബ്, കെ.എം.രാജു, എം.മഹ്‌റൂഫ് എന്നിവര്‍ സംസാരിച്ചു.