നീലേശ്വരം: കക്കാട് ഗവ. ഹയര്‍സെക്കന്‍ഡറി സ്‌കൂളില്‍ നടക്കുന്ന ജില്ലാ കേരളോത്സവം ഇന്ന് സമാപിക്കും. വൈകിട്ട് അഞ്ച് മണിക്ക് സമാപനസമ്മേളനം റവന്യൂ വകുപ്പ് മന്ത്രി ഇ.ചന്ദ്രശേഖരന്‍ ഉദ്ഘാടനം ചെയ്യും. ജില്ലാ പഞ്ചായത്ത് പ്രസിഡന്റ് എ.ജി.സി.ബഷീര്‍ അദ്ധ്യക്ഷനാകും. എം.എല്‍.എമാരായ എന്‍.എ.നെല്ലിക്കുന്ന്, എം.രാജഗോപാലന്‍ തുടങ്ങിയവര്‍ പങ്കെടുക്കും. ഇന്നലെ നടന്ന കായീകമത്സരങ്ങളുടെ ഉദ്ഘാടനം ജില്ലാ പഞ്ചായത്ത് വൈസ്പ്രസിഡന്റ് ശാന്തമ്മ ഫിലിപ്പ് നിര്‍വഹിച്ചു. ജില്ലാ പഞ്ചായത്ത് അംഗം എം.കേളു പണിക്കര്‍ അദ്ധ്യക്ഷനായി. ജില്ലാ പഞ്ചായത്ത് അംഗം എം.നാരായണന്‍, ഗ്രാമ പഞ്ചായത്ത് പ്രസിഡന്റ് സി. പ്രഭാകരന്‍, ജില്ലാ സ്‌പോര്‍ട്‌സ് കൗണ്‍സില്‍ പ്രസിഡന്റ് എന്‍.എ.സുലൈമാന്‍, അബ്ദുള്‍ഖാദര്‍, വിനോദന്‍ പൃത്തിയില്‍, ജില്ലാ പഞ്ചായത്ത് സെക്രട്ടറി ഇ.പി രാജ്‌മോഹന്‍, ഹെഡ്മാസ്റ്റര്‍ ഇ.പി.രാജഗോപാലന്‍ സംസാരിച്ചു