തൃക്കരിപ്പൂര്‍: റെയിഞ്ച് ജംഇയത്തുല്‍ മുഅല്ലിമീന്‍ മദ്‌റസാ മാനേജ്‌മെന്റ് അസോസിയേഷന്‍ സംയുക്താഭിമുഖ്യത്തില്‍ തൃക്കരിപ്പൂരില്‍ സംഘടിപ്പിച്ച നബിദിനാഘോഷം സമാപിച്ചു. ബീരിച്ചേരി ജുമാംസജിദ് പരിസരത്ത് നിന്ന് ആരംഭിച്ച മൗലിദ് റാലിയില്‍ റെയിഞ്ച് പരിധിയിലെ മദ്‌റസാ വിദ്യാര്‍ഥികള്‍ രക്ഷിതാക്കള്‍, അധ്യാപകര്‍ നാട്ടുകാര്‍ തുടങ്ങിയ ആയിരക്കണക്കിനാളുകള്‍ പങ്കെടുത്തു.
തുടര്‍ന്ന് ബസ് സ്റ്റാന്റ് പരിസരത്ത് നടന്ന സമ്മേളനം സയ്യിദ് മുസമ്മില്‍ അലി ശിഹാബ് തങ്ങള്‍ ഉദ്ഘാടനം ചെയ്തു. സമസ്ത കേന്ദ്ര മുശാവറ അംഗം മാണിയൂര്‍ അഹമ്മദ് മൗലവി അധ്യക്ഷനായി.
സയ്യിദ് ടി.കെ പൂക്കോയതങ്ങള്‍ ചന്തേര പ്രാര്‍ത്ഥനക്ക് നേതൃത്വം നല്‍കി. എസ്.കെ.എസ്.എസ്.എഫ് സംസ്ഥാന വൈസ്പ്രസിഡന്റ് സലാഹുദ്ദീന്‍ ഫൈസി വല്ലപ്പുഴ മുഖ്യ പ്രഭാഷണം നടത്തി.
കേഷ് അവാര്‍ഡ് വിതരണം ജില്ലാ പഞ്ചായത്ത് പ്രസിഡന്റ് എ.ജി.സി ബഷീറും, സമ്മാനദാനം എം.എ.സി കുഞ്ഞബ്ദുല്ല ഹാജിയും നിര്‍വഹിച്ചു. ഹാരിസ് ഹസനി, കെ.പി അഷ്‌റഫ് മുന്‍ഷി, എം.സി ഖമറുദ്ദീന്‍, അന്‍വര്‍ ഇബ്‌റാഹിം ബുഖാരി തങ്ങള്‍, സയ്യിദ് ശഫീഖ് തങ്ങള്‍, എസ് ശാഹുല്‍ ഹമീദ് ഹാജി, ദാവൂദ് മൗലവി,വി.പി കുഞ്ഞബ്ദുല്ല മാസ്റ്റര്‍, സി.ടി അബ്ദുല്‍ ഖാദിര്‍, ടി.കെ അബ്ദുസലാം മൗലവി,ഇബ്‌റാഹിം അസ്അദി, പ്രസംഗിച്ചു. എം.ടി.പി ഇസ്മഈല്‍ മാസ്റ്റര്‍ സ്വാഗതവും ഇസ്മഈല്‍ ഖാസിമി നന്ദിയും പറഞ്ഞു.