കാസര്‍കോട്: സംഘടന പ്രവര്‍ത്തനം കൂടുതല്‍ ശാസ്ത്രിയമാക്കുന്നതിന്റെ ഭാഗമായി എസ്.കെ.എസ്.എസ് .എഫ് സംസ്ഥാന കമ്മിറ്റിയുടെ നേത്യത്യത്തില്‍ നടക്കുന്ന ലീഡേഴ്‌സ് കാരവന്‍ ഇന്ന് മുതല്‍ അഞ്ചു ദിവസങ്ങളിലായി ജില്ലയിലെ ക്ലസ്റ്റര്‍ തലങ്ങളില്‍ നടക്കും. മഞ്ചേശ്വരത്ത് നിന്ന് തുടങ്ങുന്ന തെക്കന്‍ മേഖലാ ലീഡേഴ്‌സ് കാരവന്‍ യാത്രയ്ക്ക് സംസ്ഥാന സെക്രട്ടറി അബ്ദു സലാം ഫൈസി കിണവക്കല്‍ നേതൃത്വം നല്‍കും.
ഹാരിസ് ദാരിമി ബെദിര, മുഹമ്മദ് ഫൈസി കജ, ഇസ്മായില്‍ മച്ചംമ്പാടി, ശരീഫ് നിസാമി മുഗു, ഇസ്മാഈല്‍ അസ്ഹരി എന്നിവര്‍ കൂടെ അനുഗമിക്കും. മഞ്ചേശ്വരം മേഖലയിലെ മീഞ്ച ക്ലസ്റ്റര്‍, വോര്‍ക്കാടി ക്ലസ്റ്റര്‍, ഹൊസങ്കടി ക്ലസ്റ്റര്‍, പൈവളികെ ക്ലസ്റ്റര്‍, കുമ്പള മേഖലയിലെ മംഗല്‍പാടി ക്ലസ്റ്ററുമാണ് ഇന്ന് പര്യടനം നടത്തുക. പെരുമ്പട്ടയില്‍ നിന്ന് തുടങ്ങുന്ന വടക്കന്‍ മേഖല ലീഡേഴ്‌സ് കാരവന്‍ യാത്രയ്ക്ക് സംസ്ഥാന വൈസ് പ്രസിഡന്റ് അഷ്‌റഫ് ഫൈസി കക്കുംപടി നേതൃത്വം നല്‍കും.
ജില്ലാ ഭാരവാഹികളായ യൂനുസ് ഫൈസി പെരുമ്പട്ട, നാഫിഅ അസ്അദി, മുഹമ്മദലി നീലേശ്വരം, ഷൗക്കത്ത് മാസ്റ്റര്‍ കുന്നുംകൈ എന്നിവര്‍ അനുഗമിക്കും. പെരുമ്പട്ട മേഖലയിലെ കുന്നം കൈ, ക്ലസ്റ്റര്‍, ചീമേനി ക്ലസ്റ്റര്‍, നീലേശ്വരം മേഖലയിലെ കോട്ടപ്പുറം ക്ലസ്റ്റര്‍ ചെറുവത്തൂര്‍ ക്ലസ്റ്റര്‍, ത്യക്കരിപ്പൂര്‍ മേഖലയിലെ പടന്ന ക്ലസ്റ്റര്‍ എന്നിവിടങ്ങളിലേക്ക് പര്യടനം നടത്തും.
ജില്ലാ, മേഖല ഭാരവാഹികള്‍, ശാഖ തലങ്ങളിലുള്ള പ്രവര്‍ത്തകരുമായി നേരിട്ട് സമകാലിക സംഘടന വര്‍ത്തമാനങ്ങള്‍ ആശയ വിനിമയം ചെയ്യും. മദീനാ പാഷന്‍ പദ്ധതി അവതരണം, കര്‍മനിധി സമാഹരണം, സത്യധാര ലിസ്റ്റ് ശേഖരണം, സോഷ്യല്‍ സര്‍വേ, ഓഫിസ് കിറ്റ് വിതരണം, ക്ലസ്റ്റര്‍ ശാഖ അദാലത്ത് തുടങ്ങിയ ഓരോ കേന്ദ്രങ്ങളിലും നടക്കും. നാളെ കുമ്പള മേഖലയിലെ പുത്തിഗെ, ആരിക്കാടി ക്ലസ്റ്റര്‍, ബദിയഡുക്ക മേഖലയിലെ ക്ലസ്റ്ററുകളില്‍ പര്യടനം നടക്കും. തൃക്കരിപ്പൂര്‍ മേഖലയിലെ, ബീച്ചാരക്കടവ്, ചന്തേര, ഉടുമ്പുതല എന്നീ ക്ലസ്റ്ററുകളില്‍ പര്യടണം നടക്കും സലാം ഫൈസി പേരാല്‍, ഖാസിം ഫൈസി, എന്‍.കെ അബ്ദുല്ല മൗലവി, ഖലീല്‍ദാരിമി ബെളിഞ്ചം, ആദം ദാരിമി നാരമ്പാടി എന്നിവര്‍ അനുഗമിക്കും.