ഗൂഡല്ലൂര്‍: മേല്‍ ഗൂഡല്ലൂര്‍ കോക്കാലില്‍ വീട് കുത്തിത്തുറന്ന് സ്വര്‍ണവും പണവും കവര്‍ന്നു. കോക്കാല്‍ സ്വദേശി ജോസഫ് അലോഷിയസിന്റെ വീട് കുത്തിത്തുറന്നാണ് മോഷണം നടത്തിയത്.
വീട്ടിനുള്ളിലെ അലമാരയില്‍ സൂക്ഷിച്ചിരുന്ന അഞ്ചുപവന്‍ സ്വര്‍ണവും 15,000 രൂപയും ടി.വിയും മോഷ്ടിച്ചിട്ടുണ്ട്. വീടിന്റെ മുന്‍വാതില്‍ കുത്തിത്തുറന്നാണ് മോഷണം നടത്തിയിരിക്കുന്നത്.
ഇയാളും കുടുംബവും സമീപത്തെ പള്ളിയില്‍ പ്രാര്‍ഥനക്ക് പോയ സമയത്താണ് മോഷണം. കഴിഞ്ഞ ദിവസം രാത്രിയിലാണ് സംഭവം. പ്രാര്‍ഥന കഴിഞ്ഞ് പുലര്‍ച്ചെ വീട്ടിലെത്തിയപ്പോഴാണ് മോഷണ വിവരം അറിയുന്നത്.
ഉടനെ ഗൂഡല്ലൂര്‍ പൊലിസില്‍ പരാതി നല്‍കുകയായിരുന്നു. വിവരമറിഞ്ഞ് ഗൂഡല്ലൂര്‍ ഡിവൈ.എസ്.പി ശ്രീനിവാസലു, ഇന്‍സ്‌പെക്ടര്‍ ശക്തിവേലു എന്നിവരുടെ നേതൃത്വത്തിലുള്ള സംഘം സംഭവസ്ഥലത്തെത്തി പരിശോധന നടത്തി. വിരലടയാള വിദഗ്ദരും പരിശോധന നടത്തി.