പാപ്പിനിശ്ശേരി: പാപ്പിനിശ്ശേരി ജാമിഅ: അസ്അദിയ്യ: ഇസ്‌ലാമിയ്യ സില്‍വര്‍ ജൂബിലി സമ്മേളനത്തോടനുബന്ധിച്ച് പാപ്പിനിശ്ശേരി റെയ്ഞ്ച് വാഹന പ്രചരണ ജാഥ സംഘടിപ്പിച്ചു.
പി.കെ.പി അബ്ദുസ്സലാം മുസ്‌ലിയാര്‍ പതാക ജാഥാ ക്യാപ്റ്റന്‍ ഇ.കെ.അഹമ്മദ് ബാഖവിക്ക് കൈമാറി ഉദ്ഘാടനം നിര്‍വ്വഹിച്ചു. കെ മുഹമ്മദ് ശരീഫ് ബാഖവി, അബ്ദുല്‍ ഖാദര്‍ അസ്അദി, ടി.പി അബ്ദുല്ല മൗലവി, വൈസ് ക്യാപ്റ്റന്‍ അബ്ദുല്‍ ഖാദര്‍ ഹാജി, അബ്ദുല്‍ ഹക്കീം ഹാജി, നൗഷാദ് റഹ്മാനി, ഡയറക്ടര്‍ ടി.വി നിയാസ് അസ്അദി, അസി.ഡയറക്ടര്‍ കെ.എം സാദിഖ്, ശരീഫ് അസ്അദി, കോ-ഓഡിനേറ്റര്‍ വി.പി ഷഹീര്‍, അസി.കോ-ഓഡിനേററര്‍ റാഷിദ് അസ്അദി, ഉസ്മാന്‍ മൗലവി സംബന്ധിച്ചു. കാട്ടിലെ പള്ളിയില്‍ നിന്നാരംഭിച്ച ജാഥ പാപ്പിനിശ്ശേരി വെസ്റ്റ് ഹാജി റോഡില്‍ സമാപിച്ചു. സമാപന സമ്മേളനം ടി.പി യൂസുഫ് ബാഖവി ഉദ്ഘാടനം ചെയ്തു. ബി യൂസുഫ് ബാഖവി അധ്യക്ഷനായി. എ.കെ അബ്ദുല്‍ ബാഖി, അബ്ദുല്‍ ഫത്താഹ് ദാരിമി സംസാരിച്ചു.

.