കണ്ണൂര്‍: പണ്ഡിതധര്‍മം സമൂഹത്തിനു തന്റെ ജീവിത്തിലൂടെ കാണിച്ചുകൊടുത്ത നിഷ്‌കളങ്ക വ്യക്തിത്വത്തിന്റെ ഉടമയായിരുന്നു സമസ്ത പ്രസിഡന്റ് കുമരംപുത്തൂര്‍ എ.പി മുഹമ്മദ് മുസ്‌ലിയാരെന്നു സമസ്ത കേന്ദ്ര മുശാവറ അംഗം കെ.കെ.പി അബ്ദുല്ല മുസ്‌ലിയാര്‍. സമസ്ത കേരള ജംഇയ്യത്തുല്‍ ഉലമ ജില്ലാകമ്മിറ്റിയുെട ആഭിമുഖ്യത്തില്‍ നടന്ന കുമരംപുത്തൂര്‍ അനുസ്മരണ സംഗമം ഉദ്ഘാടനം ചെയ്യുകയായിരുന്നു അദ്ദേഹം.
അറിയപ്പെടാന്‍ ആഗ്രഹിക്കാത്ത വിജ്ഞാനസാഗരമായിരുന്ന അദ്ദേഹം ജീവിതത്തിലുടനീളം ശുദ്ധത പുലര്‍ത്തി എല്ലാ രംഗത്തും പുതുതലമുറയ്ക്കു മാതൃകയാണെന്നും കെ.കെ. പി പറഞ്ഞു.
ബ്ലാത്തൂര്‍ അബ്ദുറഹ്മാന്‍ ഹൈത്തമി അധ്യക്ഷനായി. അബ്ദുറഹ്മാന്‍ കല്ലായി, മാണിയൂര്‍ അബ്ദുറഹ്മാന്‍ ഫൈസി, അബൂബക്കര്‍ ബാഖവി, കെ.കെ മുഹമ്മദ്, പാലത്തായി മൊയ്തു ഹാജി, എസ്.കെ ഹംസ ഹാജി, പി.ടി മുഹമ്മദ്, ബഷീര്‍ അസ്അദി, കൊതേരി അബ്ദുല്ല ഫൈസി ഇര്‍ഫാനി, കെ.പി ഉസ്മാന്‍ ഹാജി, ആര്‍ അബ്ദുല്ല ഹാജി, അബ്ദുല്ല ദാരിമി കൊയ്യം, പി.പി മുഹമ്മദ് കുഞ്ഞി, അഷ്‌റഫ് ബംഗാളിമുഹല്ല, അബ്ദുറഹ്മാന്‍ ദാരിമി സംസാരിച്ചു.