പിലാത്തറ: സാമൂഹിക വികാസത്തിന് വിദ്യാര്‍ഥികളുടെ പങ്ക് അനിവാര്യമാണെന്നും വിദ്യാര്‍ഥികള്‍ തങ്ങളുടെ ചിന്തകള്‍ നന്മയുടെ പാതയില്‍ വിനിയോഗിക്കാന്‍ തയാറാവണമെന്നും സമസ്ത കേരള ജംഇയ്യത്തുല്‍ മുഅല്ലിമീന്‍ ജില്ലാ ജനറല്‍സെക്രട്ടറി അബ്ദുസ്സമദ് മുട്ടം.
സുന്നി ബാലവേദി ജില്ലാ കമ്മിറ്റി പിലാത്തറ ചുമടുതാങ്ങിയില്‍ സംഘടിപ്പിച്ച സ്ഥാപക ദിനാഘോഷം ജില്ലാതല ഉദ്ഘാടനം നിര്‍വഹിക്കുകയായിരുന്നു അദ്ദേഹം. റെയ്ഞ്ച് കണ്‍വീനര്‍ ഖലീല്‍ മൗലവി അധ്യക്ഷനായി. സംസ്ഥാന ജനറല്‍ സെക്രട്ടറി അഫ്‌സല്‍ രാമന്തളി പ്രമേയ പ്രഭാഷണം നടത്തി. ഹനീഫ് യമാനി, യൂസുഫ് ഹാജി കല്ലായി, ഗഫൂര്‍ ദാരിമി, എം.കെ ഹസ്സന്‍കുഞ്ഞി ഹാജി, അബ്ദുറഷീദ് സഅദി, അബൂക്കോയ ഫൈസി, അസ്‌ലംകാങ്കോല്‍, സജീര്‍ കാടാച്ചിറ തുടങ്ങിയവര്‍ സംസാരിച്ചു. അര്‍ഷദ് പിലാത്തറ സ്വാഗതവും മുര്‍ഷിദ് നന്ദിയും പറഞ്ഞു.