കാസര്‍കോട്: ശ്രദ്ധയും പരിചരണവും സഹായവും ആവശ്യമുള്ള മാരക രോഗം ബാധിച്ചവരുടെ മക്കള്‍ക്ക് ജില്ലാ ലീഗല്‍ സര്‍വീസസ് അതോറിറ്റി, ജില്ലാ ടി.ബി ഫോറം, കാസര്‍കോട് ഹെല്‍ത്ത് ലൈന്‍ എന്നിവയുടെ സഹായത്തോടെ പഠനോപകരണങ്ങള്‍ വിതരണം ചെയ്തു. 

കാസര്‍കോട് സ്പീഡ് വെ ഇന്‍ ഓഡിറ്റോറിയത്തില്‍ നടന്ന പരിപാടി ജില്ലാ സെഷന്‍സ് ജഡ്ജ് കെ സനല്‍കുമാര്‍ ഉദ്ഘാടനം ചെയ്തു. പ്രൊജക്ട് ഡയറക്ടര്‍ മോഹനന്‍ മാങ്ങാട് അധ്യക്ഷനായി. മുത്തോടി ആയത്താര്‍, ഫറൂഖ് ചാല, രത്‌നമാല, രാജ കുസുമ, മുഹമ്മദ് കെ ഇല്ലം, എം.ജി മാങ്ങാട്, രാഘവന്‍, ബി ഉദയകുമാര്‍ എന്നിവരെ ആദരിച്ചു. ജില്ലാ ശിശു സംരക്ഷണ ഓഫിസര്‍ പി ബിജു മുഖ്യാതിഥിയായി. ടി.കെ വിനോദ്്, കെ ദിനേശ, കെ കുഞ്ഞികൃഷ്ണന്‍, സജീന്ദ്രന്‍ തുടങ്ങിയവര്‍ സംബന്ധിച്ചു.