വാഴക്കാട്: കണ്ണിയത്ത് അഹമ്മദ് മുസ്‌ലിയാരുടെ 24ാം മഖാം ഉറൂസിന് ഇന്ന് തുടക്കമാകും. രാവിലെ 10ന് പതാക ഉയര്‍ത്തലും കൂട്ട സിയാറത്തും നടക്കും.സമസ്ത ട്രഷറര്‍ സയ്യിദ് മുഹമ്മദ് ജിഫ്‌രി മുത്തുക്കോയ തങ്ങള്‍,സയ്യിദ് മുഹമ്മദ് കോയ തങ്ങള്‍ ജമലുല്ലൈലി, കണ്ണിയത്ത് അബ്ദുല്ലക്കുട്ടി മുസ്‌ലിയാര്‍, കണ്ണിയത്ത് കുഞ്ഞിമോന്‍ മുസ്‌ലിയാര്‍ തുടങ്ങിയവര്‍ പങ്കെടുക്കും. ഏഴ് ദിവസം നീണ്ടു നില്‍ക്കുന്ന ഉറൂസില്‍ ജനുവരി ഒന്ന് വരെ വൈകുന്നേരം ഏഴിന് പ്രഭാഷണവും ഒന്‍പതിന് പ്രാര്‍ഥനാ സംഗമവും നടക്കും.
ഇന്ന് വൈകിട്ട് ഏഴിന് നടക്കുന്ന ഉദ്ഘാടന സമ്മേളനത്തില്‍ സയ്യിദ് നാസര്‍ ഹയ്യ് ശിഹാബ് തങ്ങള്‍ അധ്യക്ഷനാകും. സിംസാറുല്‍ ഹഖ് ഹുദവി മുഖ്യ പ്രഭാഷണം നടത്തും. നാളെ നടക്കുന്ന മതപ്രഭാഷണ സദസ് സ്വാദിഖലി ശിഹാബ് തങ്ങള്‍ ഉദ്ഘാടനം ചെയ്യും. നൗഷാദ് ബാഖവി ചിറയിന്‍കീഴ് മുഖ്യപ്രഭാഷണം നടത്തും.