വേങ്ങര: ജില്ലാ കേരളോത്സവം വേങ്ങരയില്‍ ഇന്ന് സമാപിക്കും. ഇന്നലെ കലാ മത്സരങ്ങള്‍ സമാപിച്ചപ്പോള്‍ 97 പോയന്റുകളുമായി വണ്ടൂര്‍ ബ്ലോക്ക് മുന്നിട്ടുനില്‍ക്കുന്നു. ഇന്ന്് ഒന്നാം വേദിയില്‍ നടോടിപ്പാട്ട്, തിരുവാതിരക്കളി, നടോടി നൃത്തം, സംഘ നൃത്തം, കോല്‍ക്കളി, രണ്ടാം വേദിയില്‍ കഥാ പ്രസംഗം, ഓട്ടന്‍ തുള്ളല്‍, കഥകളി, കഥകളിപ്പദം, വേദി മൂന്നില്‍ മിമിക്രി, മൈം എന്നീ മത്സരങ്ങള്‍ നടക്കും. വൈകിട്ട് അഞ്ചിന്് സമാപന സമ്മേളനം എ.പി അനില്‍കുമാര്‍ എം.എല്‍.എ ഉദ്ഘാടനം ചെയ്യും.