മങ്കട: 'എന്റെ മലപ്പുറം ഡിജിറ്റല്‍ മലപ്പുറം' പദ്ധതിക്കു പിന്തുണയേകി കര്‍മപരിപാടികളുമായി പരിയാപുരം സെന്റ് മേരീസ് ഹയര്‍സെക്കന്‍ഡറി സ്‌കൂളിലെ എന്‍.എസ്.എസ് വിദ്യാര്‍ഥികള്‍. ഡിജിറ്റല്‍ പണമിടപാട് നടത്താന്‍ നാട്ടുകാരെ ബോധവല്‍ക്കരിക്കുന്നതിനായി പെരിന്തല്‍മണ്ണ കാവുങ്ങല്‍ പറമ്പില്‍ ഗ്രാമസംഗമം സംഘടിപ്പിച്ചു. അങ്ങാടിപ്പുറം അക്ഷയ കേന്ദ്രവുമായി സഹകരിച്ചു നാട്ടുകാര്‍ക്കു തുടര്‍ന്നു പരിശീലനവും മാര്‍ശനിര്‍ദേശങ്ങളും നല്‍കുന്നതിനുള്ള പദ്ധതിയും എന്‍.എസ്.എസ് പ്രവര്‍ത്തകര്‍ തയാറാക്കിയിട്ടുണ്ട്. വാര്‍ഡ് കൗണ്‍സിലര്‍ ലക്ഷ്മി കൃഷ്ണന്‍ സംഗമം ഉദ്ഘാടനം ചെയ്തു. പ്രോഗ്രാം ഓഫിസര്‍ ബെന്നി തോമസ് അധ്യക്ഷനായി. രജനി ഹരിദാസ് ക്ലാസെടുത്തു.