തിരൂര്‍: സമസ്ത കേരളാ സുന്നി മഹല്ല് ഫെഡറേഷന്‍ സംസ്ഥാന കമ്മിറ്റിക്കു കീഴില്‍ നടന്നുവരുന്ന ഇസ്‌ലാമിക് പാരന്റിങ് കോഴ്‌സിന് ജില്ലയില്‍ തുടക്കമായി. പാണക്കാട് സയ്യിദ് റഷീദലി ശിഹാബ് തങ്ങള്‍ ഉദ്ഘാടനം ചെയ്തു.
സംസ്‌കാര സമ്പന്നരും മൂല്യബോധവുമുള്ള തലമുറയുടെ സൃഷ്ടിപ്പിനു രക്ഷിതാക്കള്‍ മക്കള്‍ക്കു മാതൃകയാകണമെന്നും സാമൂഹിക നന്മയെ കുറിച്ച് ഉത്തമബോധ്യമുള്ള രക്ഷിതാക്കള്‍ക്കു മാത്രമേ വളര്‍ന്നുവരുന്ന തലമുറയുടെ ഭാവിയിലെ മൂല്യാധിഷ്ഠിത ജീവിതം ഉറപ്പുവരുത്താനാകൂവെന്നും തങ്ങള്‍ പറഞ്ഞു.
സയ്യിദ് ആറ്റക്കോയ തങ്ങള്‍ നരിപ്പറമ്പ് അധ്യക്ഷനായി. അബ്ദുല്‍ ഹകീം മാസ്റ്റര്‍ തൃക്കരിപ്പൂര്‍ വിഷയാവതരണം നടത്തി. കെ.കെ.എസ് തങ്ങള്‍ വെട്ടിച്ചിറ, യു. ശാഫി ഹാജി ചെമ്മാട്, എ.കെ ആലിപ്പറമ്പ്, അബ്ദുല്‍ അസീസ് മുസ്‌ലിയാര്‍, ഇസ്മാഈല്‍ ഹുദവി ചെമ്മാട്, ശംസുദ്ദീന്‍ മാസ്റ്റര്‍ ഒഴുകൂര്‍, ഇര്‍ഷാദ് ഫൈസി, നാസര്‍ മാസ്റ്റര്‍, അശ്‌റഫ് ദാരിമി, കെ.പി ബാവ ഹാജി, വി. അലിക്കുട്ടി, കെ.ടി കുഞ്ഞാപ്പു ഹാജി, പി.കെ അബ്ദുല്‍ ജബ്ബാര്‍, സി.എച്ച് ബഷീര്‍, കെ.വി അബുട്ടി ഹാജി സംസാരിച്ചു.