എടപ്പാള്‍: മിനിപമ്പ മഹോത്സവത്തിന്റെ ഭാഗമായി മിനിപമ്പയില്‍ തായമ്പക അരങ്ങേറി. സോപാനം സ്‌കൂള്‍ ഓഫ് പഞ്ചവാദ്യത്തിലെ വിദ്യാര്‍ഥിയായ കുറുങ്ങാട്ട് മന ശ്രീവരാഹ് ആണ് തായമ്പക അവതരിപ്പിച്ചത്. ഇടത്താവള സംരക്ഷണ സമിതി സംഘടിപ്പിച്ച പരിപാടിയില്‍ കലാകാരന്‍മാര്‍ക്കുള്ള ഉപഹാര സമര്‍പ്പണം വി.എം.സി.നമ്പൂതിരി നിര്‍വഹിച്ചു.
ചടങ്ങില്‍ കെ.പി.സുബ്രമണ്യന്‍, ടി.വി.ശിവദാസ്, പി.രഘുനാഥ്, മുല്ലപ്പുള്ളി ബാലചന്ദ്രന്‍, എം.ജയരാജ്, തടത്തില്‍ ഗോപി, രാജേഷ് പ്രശാന്തിയില്‍, ടി.ഉസ്മാന്‍ സംസാരിച്ചു.