ചങ്ങരംകുളം: ചങ്ങരംകുളം ടൗണിലെ പഞ്ചായത്ത് ഷോപ്പിങ് കോംപ്ലക്‌സിലേക്ക് കയറുന്ന വഴിയില്‍ കാല്‍ നടയാത്രക്കാര്‍ക്കും വാഹനയാത്രക്കാര്‍ക്കും ഒരു പോലെ ഭീഷണി ഉയര്‍ത്തുന്നതാണ് അടര്‍ന്ന ഫുട്പാത്തും പാതി തകര്‍ന്ന് ഇരുമ്പ് കമ്പികള്‍ പുറത്തേക്ക് തള്ളി നില്‍ക്കുന്ന സ്ലാബും. തിരക്ക് പിടിച്ച യാത്രയില്‍ നിരവധി പേര്‍ ഇതില്‍ ചാടിയും ഇരുമ്പ് കമ്പിയില്‍ തട്ടിയും പരിക്കേറ്റിട്ടുണ്ട്.
വാഹനങ്ങള്‍ക്ക് സൈഡ് കൊടുക്കാനായി ഒതുക്കുമ്പോള്‍ നിരവധി ഇരുചക്രവാഹനങ്ങളും ഈ ഗട്ടറില്‍ അകപ്പെട്ടിട്ടുണ്ട്.
നിരന്തരം അപകങ്ങള്‍ക്ക് വഴിയൊരുക്കുന്ന ഈ പ്രശ്‌നത്തിന് പരിഹാരം കാണണമെന്നാണ് യാത്രക്കാരുടെ ആവശ്യം.