കായംകുളം: കായംകുളം നിയോജക മണ്ഡലത്തില്‍ പ്രകൃതിക്ഷോഭം - കാലവര്‍ഷക്കെടുതി പദ്ധതികളില്‍ ഉള്‍പ്പെടുത്തിയ പ്രവൃത്തികള്‍ക്ക് 62 ലക്ഷം രൂപയുടെ ഭരണാനുമതി ലഭിച്ചതായി അഡ്വ. യു പ്രതിഭഹരി എം.എല്‍.എ വാര്‍ത്താക്കുറിപ്പില്‍ അറിയിച്ചു.
കായംകുളം നഗരസഭ ചേരാവള്ളി വഴിക്കിണര്‍ - പുത്തന്‍കണ്ടത്തില്‍ റോഡ് (ഏഴു ലക്ഷം), ചെട്ടികുളങ്ങര ഗ്രാമപഞ്ചായത്തില്‍ കടവൂര്‍കുളം ജങ്ഷന്‍ - ലക്ഷംവീട് കോളനി റോഡ് (അഞ്ചു ലക്ഷം), കണ്ടല്ലൂര്‍ ഗ്രാമപഞ്ചായത്തില്‍ പുതുപ്പറമ്പില്‍ ജംഗ്ഷന്‍ - വയലിത്തറ റോഡ് (ആറു ലക്ഷം), പത്തിയൂര്‍ ഗ്രാമപഞ്ചായത്തില്‍ മുന്നയ്യത്ത് ജങ്ഷന്‍ മുതല്‍ വടക്കോട്ട് ഓട നിര്‍മ്മാണം (അഞ്ചു ലക്ഷം), കൃഷ്ണപുരം ഗ്രാമപഞ്ചായത്തില്‍ കേക്കുപാലം - കങ്ങളില്‍ മുക്ക് റോഡ് കോണ്‍ക്രീറ്റ് ( ആറു ലക്ഷം), ദേവികുളങ്ങര ഗ്രാമപഞ്ചായത്തില്‍ മേലേത്തറ - ഓച്ചാല്‍ വരെ ഓട നിര്‍മാണം ( അഞ്ചു ലക്ഷം), ഭരണിക്കാവ് ഗ്രാമപഞ്ചായത്തില്‍ മേവിളയില്‍ പഞ്ചായത്ത് അതിര്‍ത്തി റോഡ് (ആറു ലക്ഷം), സൊസൈറ്റി ജങ്ഷന്‍ - മുട്ടക്കുളം ക്ഷേത്രം റോഡ് (ഏഴു ലക്ഷം), താമരശ്ശേരി ജങ്ഷന്‍ - വയലിത്തറ മുക്ക് റോഡ് (അഞ്ചു ലക്ഷം), മുട്ടക്കുളം ക്ഷേത്രം മുക്ക് - കാട്ടില്‍മുക്ക് റോഡ് (10 ലക്ഷം) എന്നിങ്ങനെയാണ് തുക അനുവദിച്ചിട്ടുള്ളത്.