കാസര്‍കോട്: ട്രെയിനില്‍ നിന്നിറങ്ങവേ കാലു തെന്നി പ്ലാറ്റ് ഫോമിനും ട്രെയിനിനും ഇടയില്‍ പെട്ടു യുവതിക്കു ഗുരുതര പരുക്ക്. കാസര്‍കോട് സര്‍വേ സൂപ്രണ്ട് ഓഫിസിലെ സെക്കന്റ് ഗ്രേഡ് സര്‍വേയര്‍ വിദ്യ(32)ക്കാണു പരുക്കേറ്റത്. കാസര്‍കോട് റെയില്‍വേ സ്റ്റേഷനിലാണു സംഭവം.
എറണാകുളത്തു നിന്നു പൂനെയിലേക്കു പോവുകയായിരുന്ന പൂര്‍ണ എക്‌സ്പ്രസ് സ്റ്റേഷനിലെത്തിയപ്പോള്‍ ഇറങ്ങുന്നതിനിടെയായിരുന്നു അപകടം.
യുവതിയുടെ വലതു കൈപ്പത്തി അറ്റു. കാലിനും സാരമായ പരുക്കുണ്ട്.
റെയില്‍വേ പൊലിസ് വിവരമറിയിച്ചതിനെതുടര്‍ന്ന് ഫയര്‍ഫോഴ്‌സ് സ്ഥലത്തെത്തി യുവതിയെ കാസര്‍കോട് കിംസ് ആശുപത്രിയിലും തുടര്‍ന്ന് മംഗളൂരുവിലെ ആശുപത്രിയിലും പ്രവശേപ്പിച്ചു.