പട്ടാമ്പി: ഓങ്ങല്ലൂര്‍ റെയ്ഞ്ച് ജംഇയ്യത്തുല്‍ മുഅല്ലീമീനും മാനേജ്‌മെന്റ് അസോസിയേഷനും സംയുക്തമായി നബിദിന റാലിയും പൊതുസമ്മേളനവും ഓങ്ങല്ലൂര്‍ സെന്ററില്‍ നടത്തി. റെയ്ഞ്ച് സെക്രട്ടറി ഇബ്രാഹിം അന്‍വരി അധ്യക്ഷനായി. സഈദ് ഹുദവി മുഖ്യപ്രഭാഷണം നടത്തി. റെയ്ഞ്ച് പരിധിയിലെ മുപ്പത്തി ഒന്ന് മദ്‌റസകളിലെ വിദ്യാര്‍ഥികളും രക്ഷിതാക്കളും മാനേജ്‌മെന്റും സംബന്ധിച്ചു. പൊക്കുപടി, മഞ്ഞളുങ്ങല്‍, വാടനാംകുറുശ്ശി, കാരക്കാട്, പാറപ്പുറം, കൊണ്ടൂര്‍ക്കര തുടങ്ങിയ സ്ഥലങ്ങളില്‍ തുടക്കമിട്ട ജാഥ ഓങ്ങല്ലൂര്‍ സെന്ററില്‍ സംഗമിച്ചു.
തച്ചനാട്ടുകര: സമസ്ത കോ ഓര്‍ഡിനേഷന്‍ കമ്മിറ്റി നബിദിനാഘോഷത്തിന്റെ ഭാഗമായി റാലി നടത്തി. തച്ചനാട്ടുകര റെയ്ഞ്ചിലെ ആയിരത്തോളം ആളുകള്‍ റാലിയില്‍ അണിനിരന്നു. റാലിക്ക് തുടക്കംകുറിച്ച് തൊടൂക്കാപ്പില്‍ സയ്യിദ് ഹുസൈന്‍ തങ്ങള്‍ കൊടക്കാട്ട് പ്രാര്‍ഥന നിര്‍വഹിച്ചു. റെയ്ഞ്ച് പ്രസിഡന്റ് മുഹമ്മദ് കുട്ടി മുസ്‌ലിയാര്‍ പതാക ഉയര്‍ത്തി. അന്‍വര്‍ ഫൈസി, സൈദ് മുഹമ്മദ് ഫൈസി, സി.പി ഹംസ ഫൈസി, കബീര്‍ അന്‍വരി, സൈനുല്‍ആബിദ് ഫൈസി, ബശീര്‍ അസ്ഹരി, ബഷീര്‍ ബാഖവി, ശമീര്‍ മാസ്റ്റര്‍ റാലിക്ക് നേതൃത്വം നല്‍കി.