ചാവക്കാട്: പ്രവാചക വ്യക്തിത്വം ബാല്യ കൗമാര യുവത്വത്തിലും കുടുംബ ജീവിതത്തിലും വിശ്വമാനവികതക്ക് മാതൃകയാക്കാവുന്നതെന്ന് സമസ്ത കേരളജംഇയത്തുല്‍ ഉലമ ജനറല്‍ സെക്രട്ടറി കെ ആലിക്കുട്ടി മുസ്്‌ലിയാര്‍.'മുഹമ്മദ് (സ) നബി കുടുംബ നീതിയുടെ പ്രകാശം' എന്ന പ്രമേയത്തില്‍ സമസ്ത തൃശൂര്‍ ജില്ല കോര്‍ഡിനേഷന്‍ കമ്മിറ്റി സംഘടിപ്പിച്ച ജില്ലാ നബിദിന റാലിക്കു ശേഷം നടന്ന പൊതു സമ്മേളനം ഉദ്ഘാടനം ചെയ്യുകയായിരുന്നു അദ്ദേഹം.
പ്രവാചന്റെ ബാല്യകാലത്തും പ്രവാചകത്വ ലബ്ധിക്കു ശേഷം ആ ജീവിതം പവിത്രമായിരുന്നു. ചെറുതും വലുതുമായ ദോഷങ്ങളില്‍ പെടാതെ തിരുമേനിയെ എല്ലാ ഘട്ടങ്ങളിലും സര്‍വശക്തനായ അല്ലാഹും കാത്തു സൂക്ഷിച്ചിരുന്നു. നബി (സ)ക്കു മാത്രമല്ല സര്‍വ പ്രവാചകന്മാരെയും ഈ രീതിയിലാണ് അല്ലാഹു കാത്ത് സംരക്ഷിച്ചിരുന്നതെന്ന് അദ്ദേഹം വിശദീകരിച്ചു. സമസ്ത ജില്ലാ പ്രസിഡന്റ് എസ്. എം.കെ തങ്ങള്‍ അധ്യക്ഷനായി. സമസ്ത കേന്ദ്ര മുശാവറ അംഗം ചെറുവാളൂര്‍ ഹൈദ്രോസ് മുസ്ലിയാര്‍ പ്രാര്‍ഥനക്ക് നേതൃത്വം നല്‍കി. ജില്ലാ ജനറല്‍ സെക്രട്ടറി എം.എം മുഹിയുദ്ദീന്‍ മൗലവി അനുഗ്രഹ പ്രഭാഷണം നിര്‍വഹിച്ചു. എസ്.കെ.എസ്.എസ്.എഫ് സംസ്ഥാന വൈസ് പ്രസിഡന്റ് ഓണമ്പിളളി മുഹമ്മദ് ഫൈസി 'ശരീഅത്തും ഏകസിവില്‍ കേഡും' എന്ന വിഷയം അവതരിപ്പിച്ചു. സമസ്ത പ്രസിഡന്റായിരുന്ന ശൈഖുന കുമരംപുത്തൂര്‍ എ.പി മുഹമ്മദ് മുസ്‌ലിയാര്‍ അനുസ്മരണവും 'മുഹമ്മദ് നബി (സ്വ) കുടുംബ നീതിയുടെ പ്രകാശം' എന്ന പ്രമേയത്തില്‍ പ്രഭാഷണവും എസ്.കെ.എസ്. എസ്.എഫ് സംസ്ഥന ട്രഷറര്‍ ബഷീര്‍ ഫൈസി ദേശമംഗലവും എസ്.വൈ.എസ് സംസ്ഥാന സെക്രട്ടറി ഉസ്താദ് റഹ്മത്തുളള ഖാസിമി മൂത്തേടം മുഖ്യ പ്രഭാഷണവും നിര്‍വഹിച്ചു.
സി.എച്ച് റഷീദ്, സമസ്ത പോഷകഘടകങ്ങളുടെ സംസ്ഥാന, ജില്ലാ നേതാക്കളായ മുഹമ്മദ് ബാഖവി ബ്‌ളാങ്ങാട്, പി.സി മുഹമ്മദ് കുട്ടി ബാഖവി അരിയൂര്‍, ഉമര്‍ ഫൈസി വില്ലൂര്‍, നാസര്‍ ഫൈസി തിരുവത്ര,സി.എ റഷീദ്, ഷറഫുദ്ദീന്‍ മൗലവി വെന്മേനാട്, കരീം ഫൈസി, ഇല്യാസ് ഫൈസി, സൈനുദ്ധീന്‍ ഫൈസി, ടി.എസ് മമ്മി സാഹിബ് ദേശമംഗലം, ത്രീസ്റ്റാര്‍ കുഞ്ഞുമുഹമ്മദ് ഹാജി, ഉമര്‍ ബാഖവി പാടൂര്‍, സി.എ ലത്തീഫ് ഹൈതമി, ഹംസ മുസ്‌ലിയാര്‍ ചേറ്റുവ, എസ്.കെ.എസ്.എസ്.എഫ് യു.എ.ഇ നാഷണല്‍ കമ്മിറ്റി സെക്രട്ടറി ഹുസൈന്‍ ദാരിമി അകലാട്, എസ്.കെ.എസ്.എസ്.എഫ് ജില്ലാ പ്രസിഡന്റ് സിദ്ധീഖ് ബദ്‌രി, ഉസ്മാന്‍ കല്ലാട്ടയില്‍, മുസ്തഫ മൗലവി നാട്ടിക, അഷ്‌റഫലി ചേര്‍പ്പ്, മഹ്‌റൂഫ് വാഫി, അബ്ദുല്‍ ഖാദര്‍ ദാരിമി, ഷഫീഖ് ഫൈസി കായംകുളം, ബക്കര്‍ കടപ്പുറം, ചി.കെ അബ്ദുല്‍ സലാം ബ്‌ളാങ്ങാട് എന്നിവര്‍ സംബന്ധിച്ചു. സ്വാഗത സംഘം വര്‍ക്കിങ്ങ് കണ്‍വീനര്‍ ഷഹീര്‍ ദേശമംഗലം സ്വാഗതവും മേഖല സ്വാഗത സംഘം കണ്‍വീനര്‍ സത്താര്‍ ദാരിമി നന്ദിയും പറഞ്ഞു.