തൃശൂര്‍: കോണ്‍ഗ്രസ് നേതാക്കള്‍ പരസ്പരം ചെളിവാരിയെറിഞ്ഞ് കോണ്‍ഗ്രസ് പ്രവര്‍ത്തകരുടെ ആത്മവിശ്വാസം തകര്‍ക്കരുതെന്ന് കെപിപിസി വൈസ് പ്രസിഡന്റ് വി.ഡി.സതീശന്‍.

പ്രവര്‍ത്തകരുടെ ആത്മവിശ്വാസം തകര്‍ക്കരുതെന്ന് കൈകൂപ്പി ആപേക്ഷിക്കുന്നുവെന്ന് വി.ഡി.സതീശന്‍ പറഞ്ഞു.

കെ.മുരളീധരന്‍-രാജ്‌മോഹന്‍ ഉണ്ണിത്താന്‍ വാക്‌പോര് വിഷയത്തിലായിരുന്നു സതീശന്റെ പ്രതികരണം.

തൃശൂര്‍ ഡി.സി.സി സംഘടിപ്പിച്ച കോണ്‍ഗ്രസ് ജന്മദിനാഘോഷ പരിപാടിയില്‍ സംസാരിക്കുകയായിരന്നു അദ്ദേഹം.

മതസാമുദായിക നേതാക്കളുടെ ആസ്ഥാന മന്ദിരങ്ങളില്‍ വോട്ട് തേടി കോണ്‍ഗ്രസ് നേതാക്കള്‍ സന്ദര്‍ശനം നടത്തിയാല്‍ ശക്തമായി എതിര്‍ക്കും.

മതസാമുദായിക നേതാക്കളുടെ കൈവശമല്ല വോട്ട് ബാങ്ക് എന്നും സതീശന്‍ കൂട്ടിച്ചേര്‍ത്തു.

പാര്‍ട്ടി വലിയ പ്രതിസന്ധി നേരിടുന്ന കാലഘട്ടത്തില്‍ അണികളുടെ വികാരം നേതാക്കള്‍ ഉള്‍ക്കൊള്ളണം.

പാര്‍ട്ടിയെ തിരച്ച് കൊണ്ട് വാരാനും വര്‍ഗീയതയെ കുഴിച്ച് മൂടാനും എല്ലാവരും ഒന്നിച്ച് നില്‍ക്കണമെന്നും അദ്ദേഹം പറഞ്ഞു.