ജിദ്ദ: കിംഗ് ഫഹദ് കോസ്‌വേയില്‍ വാഹനങ്ങള്‍ കൂട്ടിയിടിച്ചുണ്ടായ അപകടത്തില്‍ ഒരാള്‍ക്ക് ഗുരുതര പരുക്ക്. സഊദി ആഭ്യന്തരമന്ത്രാലയമാണ് ഇക്കാര്യം അറിയിച്ചത്. മൂന്ന് കാറുകള്‍ തമ്മില്‍ കൂട്ടിയിടിക്കുകയായിരുന്നു.

ഒരു കാര്‍ ബഹ്‌റൈനി പൗരന്റെയും, മറ്റു രണ്ടു കാറുകള്‍ സഊദി പൗരന്മാരുടെയുമാണ്. ഇതില്‍ ഒരു സഊദി സ്വദേശിക്കാണ് ഗുരുതരമായി പരുക്കേറ്റത്. ഇയാളെ ആശുപത്രിയില്‍ പ്രവേശിപ്പിച്ചതായി പൊലിസ് അറയിച്ചു.

മറ്റു രണ്ടുപേര്‍ക്കും നിസാര പരുക്കുകളാണുള്ളത്. മൂടല്‍മഞ്ഞുള്ളതിനാല്‍ റോഡ് ഉപയോഗിക്കുന്നവര്‍ അതീവ ജാഗ്രത പുലര്‍ത്തണമെന്ന് ജനറല്‍ ഡയറക്ടറേറ്റ് ഓഫ് ട്രാഫിക് നിര്‍ദ്ദേശിച്ചിട്ടുണ്ട്.