ബെയ്‌റൂത്ത്: കിഴക്കന്‍ സിറിയയില്‍ അജ്ഞാത വിമാനം നടത്തിയ ആക്രമണത്തില്‍ 10 കുട്ടികള്‍ ഉള്‍പ്പെടെ 22 പേര്‍ കൊല്ലപ്പെട്ടു. ഐ.എസിന് നിയന്ത്രണമുള്ള മേഖലയിലായിരുന്നു വ്യോമാക്രമണം.
കൊല്ലപ്പെട്ട സിവിലിയന്‍മാര്‍ മുഴുവനും രണ്ടു കുടുംബങ്ങളിലുള്ളവരാണ്. ഇറാഖുമായി അതിര്‍ത്തി പങ്കിടുന്ന സിറിയന്‍ പ്രവിശ്യയായ ഹൊജ്‌നയിലെ ദേര്‍ അസ്സൂറിലായിരുന്നു ആക്രമണം. എണ്ണ സമ്പന്നമായ ഈ പ്രവിശ്യ ഐ.എസിന്റെ അധീനതയിലാണെന്നതിനാല്‍ യു.എസ് നേതൃത്വത്തിലുള്ള സഖ്യസേനയാല്‍ നിരന്തരം ആക്രമിക്കപ്പെടാറുണ്ട്. 2014ലാണ് മേഖല ഐ.എസിനു കീഴിലായത്.