ബാങ്കോക്ക്: തായ്‌ലന്റ് തലസ്ഥാനത്ത് സ്‌ഫോടനം ഉണ്ടായെന്ന ഫേസ്ബുക്കിന്റെ സെക്യൂരിറ്റി ചെക് ജനങ്ങളെ പരിഭ്രാന്തരാക്കി. അപകട മേഖലകളെ കുറിച്ച് വിവരം നല്‍കുന്നതാണ് ഫേസ്ബുക്കിന്റെ സെക്യൂരിറ്റി ചെക് സംവിധാനം. ഫേസ്ബുക്ക് ഉപയോക്താക്കളെ സുരക്ഷിത സ്ഥാനത്തേക്ക് മാറുന്നതിനും അത്യാഹിതത്തില്‍പ്പെട്ടവരെ കണ്ടെത്താനുമാണ് ഇത് ഉപയോഗിക്കുന്നത്.
ബാങ്കോക്കിലെ സര്‍ക്കാര്‍ കെട്ടിടത്തില്‍ പ്രക്ഷോഭകര്‍ പടക്കമെറിഞ്ഞതാണ് ഫേസ്ബുക്ക് സ്‌ഫോടനമാക്കിയത്. സ്‌ഫോടന വാര്‍ത്ത പലരും ഫേസ്ബുക്കില്‍ പങ്കുവച്ചതോടെ ജനങ്ങള്‍ പരിഭ്രാന്തരായി. അബദ്ധം മനസ്സിലാക്കിയ ഫേസ്ബുക്ക് പിന്നീട് ഇത് പിന്‍വലിച്ചു.