കോഴിക്കോട്: ശംസുല്‍ ഉലമാ ഇ.കെ അബൂബക്കര്‍ മുസ്‌ലിയാരുടെ 21-ാം ഉറൂസ് മുബാറകിനോടനുബന്ധിച്ച് ഇന്ന് വൈകിട്ട് ഏഴു മണിക്ക് നടക്കുന്ന മജ്‌ലിസുന്നൂര്‍ ആത്മീയ സംഗമം കെ.എ റഹ്മാന്‍ ഫൈസിയുടെ അധ്യക്ഷതയില്‍ സയ്യിദ് അബ്ബാസലി ശിഹാബ് തങ്ങള്‍ ഉദ്ഘാടനം ചെയ്യും. ഹസന്‍ സഖാഫി പൂക്കോട്ടൂര്‍ പ്രഭാഷണം നടത്തും. മജ്‌ലിസുന്നൂറിന് വാവാട് കുഞ്ഞിക്കോയ മുസ്‌ലിയാര്‍ നേതൃത്വം നല്‍കും.
ഇന്നലെ നടന്ന മതപ്രഭാഷണ പരമ്പര എ.വി അബ്ദുറഹ്മാന്‍ മുസ്‌ലിയാര്‍ ഉദ്ഘാടനം ചെയ്തു. എസ്.വി ഹസന്‍കോയ പുതിയങ്ങാടി അധ്യക്ഷനായി. അല്‍ഹാഫിള് അഹ്മദ് കബീര്‍ ബാഖവി കാഞ്ഞാര്‍ പ്രഭാഷണം നടത്തി. വരക്കല്‍ ഹിഫ്‌ള് കോളേജില്‍ നിന്നും ഹിഫ്‌ള് പൂര്‍ത്തിയാക്കിയ ഹാഫിളുമാരെ ആദരിച്ചു.
സയ്യിദ് അസ്‌ലം തങ്ങള്‍ അല്‍മശ്ഹൂര്‍ കണ്ണൂര്‍, എം.സി മായിന്‍ ഹാജി, സി.എച് മഹ്മൂദ് സഅദി, മാണിക്കോത്ത് മമ്മുഹാജി ഒഞ്ചിയം, അബൂബക്കര്‍ ബാഖവി മലയമ്മ, പി.എ ജബ്ബാര്‍ ഹാജി, ഡോ.പി.ടി അബ്ദുറഹ്മാന്‍ ദുബൈ, പാലത്തായി മൊയ്തു ഹാജി, മരക്കാര്‍ ഹാജി കുറ്റിക്കാട്ടൂര്‍ തുടങ്ങിയവര്‍ സംബന്ധിച്ചു. മുസ്ഥഫ മാസ്റ്റര്‍ മുണ്ടുപാറ സ്വാഗതവും അഹ്മദ് ദാരിമി മുചുകുന്ന് നന്ദിയും പറഞ്ഞു.