കുന്നംകുളം: 29-ാമത് തൃശൂര്‍ റവന്യു ജില്ല കലോത്സവത്തിന് കുന്നംകുളം ഒരുങ്ങി. കലോത്സവത്തിന്റെ പ്രധാന വേദിയാകുന്ന കുന്നംകുളം സീനിയര്‍ ഗ്രൗണ്ടിലെ പന്തലിന്റെ കാല്‍നാട്ടല്‍ കര്‍മം നടന്നു. 2017 ജനുവരി മൂന്ന് മുതല്‍ എഴുവരെ 15 ഓളം വേദികളിലായാണ് കലോത്സവം നടക്കുന്നത്. സീനിയര്‍ ഗ്രൗണ്ടില്‍ നടന്ന ചടങ്ങില്‍ കുന്നംകുളം നഗരസഭ ചെയര്‍പേഴ്‌സണ്‍ സീത രവീന്ദ്രന്‍ പന്തലിന്റെ കാല്‍നാട്ടല്‍ നിര്‍വഹിച്ചു. നഗരസഭ വിദ്യാഭ്യാസ കാര്യ സ്ഥിരം സമിതി അധ്യക്ഷ മിഷ സെബാസ്റ്റ്യന്‍ അധ്യക്ഷയായി. തൃശൂര്‍ ജില്ല വിദ്യാഭ്യാസ ഉപഡയറക്ടര്‍ കെ.സുമതി മുഖ്യപ്രഭാഷണം നടത്തി. നഗരസഭ സ്ഥിരം സമിതി അധ്യക്ഷ ഗീത ശശി കൗണ്‍സിലര്‍മാരായ മിനി മോന്‍സി, ബീന ലിബിനി, എ.പി കമറുദീന്‍, ലബീബുല്‍ ഹസ്സന്‍, എന്‍.ആര്‍ മല്ലിക, നസീമ ടീച്ചര്‍, എന്‍.എം നസീം, മുഹ്‌സിന്‍ പാടൂര്‍, കെ.രാജീവ്, കുന്നംകുളം ഉപജില്ല വിദ്യഭ്യസ ഓഫിസര്‍ കെ.സച്ചിദാനന്ദന്‍ തുടങ്ങിയവര്‍ സംസാരിച്ചു. സ്റ്റേജ് ആന്‍ഡ് പന്തല്‍ കമ്മിറ്റി കണ്‍വീനര്‍ എം.എ സാദിക്ക്, സായൂജ്.എസ്.ചുങ്കത്ത്, എം.എ ജാബിര്‍, ടി.രാജഗോപാല്‍, ഐ.മുഹമ്മദ്, ടോണി ആന്റോ, കെ.ഗഫൂര്‍,ജസ്റ്റിന്‍ ജോസ് എന്നിവര്‍ നേതൃത്വം നല്‍കി.