കണ്ണൂര്‍: നോട്ട് പ്രതിസന്ധി പരിഹരിക്കുക, സഹകരണ മേഖലയെ രക്ഷിക്കുക എന്നീ മുദ്രാവാക്യങ്ങളുയര്‍ത്തി എല്‍.ഡി.എഫ് സംഘടിപ്പിക്കുന്ന മനുഷ്യചങ്ങല ഇന്ന് ദേശീയപാതയില്‍ നടക്കും. കാലിക്കടവ് മുതല്‍ മാഹി പൂഴിത്തല വരെയുള്ള 89 കിലോമീറ്ററിലാണ് ജില്ലയില്‍ മനുഷ്യചങ്ങല തീര്‍ക്കുക. മൂന്നു ലക്ഷത്തോളം ആളുകള്‍ അണിനിരക്കും. ഒരു കിലോമീറ്റര്‍ ചുറ്റളവില്‍ 1400 പേരെ ഉള്‍ക്കൊള്ളുന്നതാവും ചങ്ങലയെന്ന് സി.പി.എം ജില്ലാ സെക്രട്ടറി പി ജയരാജന്‍ പറഞ്ഞു.