സിഡ്‌നി: 36 കോടി ആസ്‌ത്രേലിയന്‍ ഡോളര്‍ വിലവരുന്ന ഒരു ടണ്ണിലധികം കൊക്കൈന്‍ പിടികൂടിയതായി ആസ്‌ത്രേലിയന്‍ പൊലിസ്. രാജ്യത്തിന്റെ ചരിത്രത്തിലെ ഏറ്റവും വലിയ മയക്കുമരുന്നു വേട്ടകളില്‍ ഒന്നാണിതെന്നും 15 പേരെ ഇതുമായി ബന്ധപ്പെട്ട് അറസ്റ്റ് ചെയ്തതായും ന്യൂ സൗത്ത് വെയില്‍സ് പൊലിസ് പറഞ്ഞു.
ക്രിസ്മസ് രാവില്‍ കപ്പലില്‍നിന്ന് പുറപ്പെട്ട ചെറു ബോട്ടില്‍ മയക്കുമരുന്ന് കടത്താന്‍ ശ്രമിക്കവേ ബ്രൂക്ലിനില്‍നിന്ന് പിടികൂടിയത് ഉള്‍പ്പെടെയാണിത്. ഇതുമായി ബന്ധപ്പെട്ട് മൂന്നു പേരെയും മറ്റ് സംഭവങ്ങളിലായി 12 പേരെയുമാണ് അറസ്റ്റ് ചെയ്തത്.
മാര്‍ച്ചില്‍ പിടികൂടിയ 600 കിലോഗ്രാം മയക്കുമരുന്നു വേട്ടയും ഇതോടൊപ്പം ചേര്‍ത്തിട്ടുണ്ടെന്നും പൊലിസ് പറഞ്ഞു.