പാതിരിപ്പാലം: നെഹ്‌റു യുവകേന്ദ്രയുടെ യുവജന നേതൃത്വ പരിശീലന കളരി 'കൂട് 2016'ന് പാതിരിപ്പാലം ഒയിസ്‌ക ട്രെയിനിങ് സെന്ററില്‍ തുടക്കമായി. ജില്ലാ പഞ്ചായത്ത് പ്രസിഡന്റ് ടി ഉഷാകുമാരി ഉദ്ഘാടനം ചെയ്തു. മീനങ്ങാടി ഗ്രാമപഞ്ചായത്ത് പ്രസിഡന്റ് ബീനവിജയന്‍ അധ്യക്ഷയായി. രാഷ്ട്ര പുനര്‍നിര്‍മാണത്തില്‍ യുവതീയുവാക്കള്‍ കൈകോര്‍ക്കേണ്ടതിന്റെ ആവശ്യകതയെപ്പറ്റിയും ലഹരിക്കെതിരെയുള്ള പോരാട്ടത്തില്‍ യുവാക്കള്‍ വഹിക്കേണ്ട പങ്കിനെക്കുറിച്ചും ജില്ലാ പഞ്ചായത്ത് പ്രസിഡന്റ് സംസാരിച്ചു. ജില്ലാ പഞ്ചായത്ത് വികസനകാര്യ സ്റ്റാന്‍ഡിങ് കമ്മിറ്റി ചെയര്‍പേഴ്‌സണ്‍ കെ മിനി, നെഹ്‌റു യുവകേന്ദ്ര ജില്ലാ കോഡിനേറ്റര്‍ കുഞ്ഞുഹമ്മദ്, ലിസി പൗലോസ്, നെഹ്‌റു യുവകേന്ദ്ര വളണ്ടിര്‍മാരായ നിഖില്‍ തോമസ്, ആര്‍.പി അനുഷ സംസാരിച്ചു. അഞ്ചുദിവസം നീണ്ടുനില്‍ക്കുന്ന ക്യാംപ് നാളെ അവസാനിക്കും.