ചീരാല്‍: ഗവ. മോഡല്‍ ഹയര്‍ സെക്കന്‍ഡറി സ്‌കൂള്‍ എന്‍.എസ്.എസ് യൂനിറ്റിന്റെ ആഭിമുഖ്യത്തില്‍ സുല്‍ത്താന്‍ ബത്തേരി മുനിസിപ്പാലിറ്റിയിലെ 1000 വീടുകളില്‍ ജല സംരക്ഷണ സന്ദേശം എത്തിക്കുന്ന ജലാമൃതം 2016-17 പദ്ധതിയുടെ ഉദ്ഘാടനം നെന്മേനി ഗ്രാമ പഞ്ചായത്ത് ആരോഗ്യ വിദ്യാഭ്യാസ സ്റ്റാന്‍ഡിങ് കമ്മിറ്റി ചെയര്‍മാന്‍ കെ രാജഗോപാല്‍ നിര്‍വഹിച്ചു. മലബാര്‍ ഗോള്‍ഡ് ആന്‍ഡ് ഡയമെന്റ് സ്‌പോണ്‍സര്‍ ചെയ്ത ജലാമൃതം പോസ്റ്റര്‍ പ്രകാശനം സുല്‍ത്താന്‍ ബത്തേരി ഷോറൂം ഹെഡ് എ.ടി അബ്ദുനാസര്‍ നിര്‍വഹിച്ചു. വിദ്യാര്‍ഥികള്‍ക്കായുള്ള ബോധവല്‍ക്കരണ ക്ലാസിനു ജില്ലാ മണ്ണ് സംരക്ഷണ ഓഫിസര്‍ പി.യു ദാസ് നേതൃത്വം നല്‍കി. മുനിസിപ്പല്‍ കൗണ്‍സിലര്‍ പിപി അയ്യൂബ്, പിഎ അബ്ദുനാസര്‍, അജീഷ്, അഗന്‌സ് സാം വര്‍ഗീസ്, ഫെമിന ഷാജി, മാസ്റ്റര്‍ റമീസ് സംസാരിച്ചു.