നായിക്കട്ടി: എല്‍.ഡി.എഫിന്റെ നേതൃത്വത്തില്‍ സംഘടിപ്പിച്ച മനുഷ്യച്ചങ്ങലയുടെ പേരില്‍ നൂല്‍പ്പുഴ പഞ്ചായത്തില്‍ തൊഴിലുറപ്പ് പ്രവര്‍ത്തികള്‍ നിര്‍ത്തിവച്ചതായി ആരോപണം. തൊഴിലാളികളെ പരിപാടിയില്‍ പങ്കെടുപ്പിക്കാനാണ് തൊഴിലുറപ്പിന് അവധി നല്‍കിയതെന്ന് കോണ്‍ഗ്രസ് ആരോപിച്ചു. ഇതിനെതിരെ നേതാക്കള്‍ എന്‍.ആര്‍.ഇ.ജി.എ ഓഫിസിലെത്തി പ്രതിഷേധിച്ചു. രാഷ്ട്രീയ പ്രസ്ഥാനങ്ങളുടെ പരിപാടികള്‍ക്കായി തൊഴിലുറപ്പ് പ്രവര്‍ത്തിക്ക് അവധി നല്‍കിയത് അംഗീകരിക്കാന്‍ കഴിയില്ലന്നും ഇതിനെതിരെ അധികൃതര്‍ക്ക് പരാതി നല്‍കിയതായും കോണ്‍ഗ്രസ് പഞ്ചയാത്തംഗം ബെന്നി കൈനിക്കല്‍ പറഞ്ഞു. തന്റെ നിര്‍ദേശ പ്രകാരമാണ് തൊഴിലുറപ്പ് പ്രവര്‍ത്തിക്ക് അവധി നല്‍കിയതെന്ന്‌നൂല്‍പ്പുഴ പഞ്ചായത്ത് പ്രസിഡന്റ് കെ ശോഭന്‍കുമാര്‍ പറഞ്ഞു.