ഈരാറ്റുപേട്ട; ജീവ കാരുണ്യ മേഖലയില്‍ മികച്ച പ്രവര്‍ത്തനം കാഴിചവക്കുന്ന കനിവ് ചാരിറ്റബിള്‍ സൊസൈറ്റിയുടെ ഒന്നാം വാര്‍ഷികവും ആംബുലന്‍സ് സമര്‍പ്പണവും ഇന്ന് അഞ്ചിന് ചേന്നാട് കവലയില്‍ വച്ച് നടക്കും.
കഴിഞ്ഞ ഒരു വര്‍ഷമായി രോഗികള്‍ക്ക് മേജര്‍ ഓപ്പറേഷനും, സ്‌കൂള്‍ കിറ്റ് ,ഭക്ഷണ വിതരണം, മെഡിക്കല്‍ ക്യാമ്പുകള്‍, വൈകല്യമുള്ളവര്‍ക്ക് ഉപകരണ വിതരണം മരണ വീടുകളില്‍ സൗജന്യ ഹയറിംഗ് സംവിധാനം, രക്ത ദാനം എന്നിങ്ങനെ വിവിധ മേഖലകളില്‍ പ്രവര്‍ത്തനം കാഴ്ചവച്ചതായി സൊസ്സൈറ്റി പ്രസിഡന്റ് പി.എസ്. സിറാജ് സെക്രട്ടറി പി.എസ്. മാഹിന്‍ എന്നിവര്‍ പറഞ്ഞു.
പ്രസിഡന്റ് പി.എസ് സിറാജ് അധ്യക്ഷത വഹിക്കും. നവജീവന്‍ ട്രസ്റ്റ് മാനേജര്‍ പി.യു തോമസ് ഉദ്ഘാടനം ചെയ്യും. പി.എസ് മാഹീന്‍, കെ.എ ബഷീര്‍, സി.എച്ച് ഹസീബ് എന്നിവര്‍ സംസാരിക്കും.