കോവളം: ദക്ഷിണ മേഖല നാവികസേനയുടെ പടക്കപ്പല്‍ ഐ.എന്‍.എസ് കാബ്ര ഇന്നലെ വൈകുന്നേരം വിഴിഞ്ഞം തുറമുഖത്ത് എത്തി.ഇന്ന് രാവിലെ ഏഴു മണി മുതല്‍ വൈകുന്നേരം നാലുമണി വരെ പൊതുജനങ്ങള്‍ക്ക് കപ്പല്‍ സന്ദര്‍ശിക്കാന്‍ അവസരമുണ്ട്. കപ്പലിന്റെ കമാന്‍ഡിങ്് ഓഫിസര്‍ ധര്‍മേന്ദ്ര സിംഗ് ബരത് ഉള്‍പ്പെടെയുള്ള ഉദ്യോഗസ്ഥരുമായി സംവദിക്കാനും അവസരമുണ്ടാകും.
നാവികസേനയുടെ 12 പുതുതലമുറ വാട്ടര്‍ ജറ്റ് ഫാസ്റ്റ് അറ്റാക്ക് ക്രാഫ്റ്റുകളില്‍ എട്ടാമത്തെതാണ് വിഴിഞ്ഞത്ത് എത്തിയിരിക്കുന്ന ഐ.എന്‍.എസ് കാബ്ര (ടി-76).കടല്‍ പെട്രോളിങ്, തിരച്ചില്‍ രക്ഷാ ദൗത്യങ്ങള്‍ക്കും കടല്‍ക്കൊള്ളക്കാര്‍ക്കെതിരേയുള്ള നടപടികള്‍ക്കുമാണ് കാബ്ര പ്രധാനമായും ഉപയോഗിക്കുന്നത്.
കേരളതീരത്തോടൊപ്പം ലക്ഷദ്വീപ് മിനിക്കോയി ദ്വീപ് സമൂഹങ്ങളുടെ കോസ്റ്റല്‍ പെട്രോളിങാണ് പ്രധാന ചുമതല.