കാസര്‍കോട്: പുതുതലമുറ മാതൃകയാക്കേണ്ടതു ധര്‍മബോധമുള്ളവരെയാണെന്നും അറിവുള്ളവരിലൂടെ മാത്രമെ ശാക്തീകരണം സാധ്യമാവുകയുള്ളൂവെന്നും എസ്.കെ.എസ്.എസ്.എഫ് സംസ്ഥാന വൈസ് പ്രസിഡന്റ് ഇബ്രാഹിം ഫൈസി ജെഡിയാര്‍.
സംസ്ഥാന കമ്മിറ്റി ജില്ലയില്‍ സംഘടിപ്പിക്കുന്ന ലീഡേഴ്‌സ് കാരവനിന്റെ മൂന്നാംദിന പരിപാടി ഉദ്ഘാടനം ചെയ്യുകയായിരുന്നു അദ്ദേഹം. ജില്ലാ സെക്രട്ടറിയറ്റ് അംഗം എം.എ ഖലീല്‍, ഇബ്രാഹിം അസ്ഹരി പള്ളങ്കോട്, പി.എച്ച് അസ്ഹരി ആദൂര്‍, ഹാരിസ് മൗലവി ഗാളിമുഖം, സ്വാദിഖ് ആദൂര്‍ സംസാരിച്ചു.
തുടര്‍ന്നു ചെര്‍ക്കള മേഖലയിലും പര്യടനം നടത്തി. 31ന് കാസര്‍കോട് മേഖലയിലേക്കു പ്രവേശിക്കും ഉളിയത്തടുക്ക ക്ലസ്റ്റര്‍ പരിപാടി എസ്.പി നഗറിലും മൊഗ്രാല്‍ പുത്തൂര്‍ ക്ലസ്റ്റര്‍ പരിപാടി കോട്ടക്കുന്നിലും അണങ്കൂര്‍, തളങ്കര ക്ലസ്റ്റര്‍ പരിപാടി അണങ്കൂര്‍ മദ്‌റസയിലും നടക്കും ജനുവരി ഒന്നിനു ഉദുമ, കാഞ്ഞങ്ങാട് എന്നീ രണ്ട് മേഖലകളില്‍ പര്യടനം നടത്തി ലീഡേഴ്‌സ് കാരവന്‍ സമാപിക്കും.