ബദിയടുക്ക: സമസ്ത ജില്ലാ കമ്മിറ്റിയുടെ കീഴില്‍ ഉത്തര മലബാറിന്റെ അഭിമാനമായി ബദിയടുക്കയില്‍ പ്രവര്‍ത്തിച്ചു വരുന്ന കണ്ണിയത്ത് ഉസ്താദ് ഇസ്്‌ലാമിക്ക് അക്കാദമിയിലെ കണ്ണിയത്ത് ഉസ്താദ് ആണ്ട് നേര്‍ച്ചക്ക് ഉജ്ജ്വല തുടക്കം. പെരഡാല മഖാം സിയാറത്തോടെ പ്രയാണമാരംഭിച്ച വിളംബര റാലിയെ തുടര്‍ന്നു സ്വാഗത സംഘം ചെയര്‍മാന്‍ യു.എം അബ്ദു റഹ്മാന്‍ മൗലവി പതാക ഉയര്‍ത്തി. മജ്‌ലുസുന്നൂര്‍ വാര്‍ഷികവും മതപ്രഭാഷണവും സയ്യിദ് കെ.എസ്. അലി തങ്ങള്‍ കുമ്പോല്‍ ഉദ്ഘാടനം ചെയ്തു. പ്രസിഡന്റ് യു.എം അബ്ദു റഹ്മാന്‍ മൗലവി അധ്യക്ഷനായി.
കിച്ചണ്‍ ബ്ലോക്കിന്റെയും ഓഫിസ് കെട്ടിടത്തിന്റെയും ഉദ്ഘാടനം കേരള വഖഫ് ബോര്‍ഡ് ചെയര്‍മാന്‍ സയ്യിദ് റഷീദ് അലി ശിഹാബ് തങ്ങള്‍ പാണക്കാട് നിര്‍വഹിച്ചു. കീച്ചേരി അബ്ദുല്‍ ഗഫൂര്‍ മൗലവി മുഖ്യ പ്രഭാഷണം നടത്തി. തുടര്‍ന്നു നടന്ന മജ്‌ലിസുന്നൂറിനു പാണക്കാട് സയ്യിദ് ശഫീഖലി ശിഹാബ് തങ്ങള്‍ നേതൃത്വം നല്‍കി. എന്‍.എ നെല്ലിക്കുന്ന് എം.എല്‍.എ, ഹസല്‍ റഹ്മാനി ദാരിമി കുംബഡാജെ, അശ്രഫ് പള്ളിക്കണ്ടം, അഹമ്മദ് മുസ്്‌ലിയാര്‍ ചെര്‍ക്കളം, ബേര്‍ക്ക അബ്ദുല്ല, എന്‍.എ അബൂബക്കര്‍ ഹാജി, കോട്ട അബ്ദു റഹ്മാന്‍ ഹാജി, മാഹിന്‍ കേളോട്ട് , അന്‍വര്‍ ഓസോണ്‍, എം.എസ്. മൊയ്തു ഗോളിയടുക്ക, എന്‍.എ അബൂബക്കര്‍ഹാജി നായന്‍മാര്‍മൂല,അബു ഫിദ അന്‍സാരി, മുനീഫ് ബദിയടുക്ക,സുബൈര്‍ ദാരിമി പൈക്ക, ബദ്‌റുദ്ദീന്‍ താസിം സംബന്ധിച്ചു.
ഇന്നു ഉച്ചക്ക് 2.30നു നടക്കുന്ന പ്രവാസി മീറ്റ് അശ്രഫ് പള്ളിക്കണ്ടത്തിന്റെ അധ്യക്ഷതയില്‍ വെല്‍ഫിറ്റ് ഗ്രൂപ്പ് ചെയര്‍മാന്‍ യഹ്‌യാ തളങ്കര ഉദ്ഘാടനം ചെയ്യും. സയ്യിദ് ഫസല്‍ കോയമ്മ തങ്ങള്‍ പ്രാര്‍ഥനയ്ക്കു നേതൃത്വം നല്‍കും. എ.പി ഉമര്‍ കാഞ്ഞങ്ങാട് വിഷയാവതരണം നടത്തും. വൈകീട്ട് ഏഴിനു നടത്തുന്ന മതപ്രഭാഷണം ഹംസത്ത് സഅദിയുടെ അധ്യക്ഷതയില്‍ സമസ്ത ജനറല്‍ സെക്രട്ടറി ഖാസി പ്രൊഫ.കെ ആലിക്കുട്ടി മുസ്്‌ലിയാര്‍ ഉദ്ഘാടനം ചെയ്യും. സയ്യിദ് ശമീം തങ്ങള്‍ കുമ്പോല്‍ പ്രാര്‍ഥന നടത്തും. ഖലീല്‍ ഹുദവി കല്ലായം പ്രഭാഷണം നടത്തും. സയ്യിദ് എം.എസ് തങ്ങള്‍ മദനി ഓലമുണ്ട കൂട്ടു പ്രാര്‍ഥനക്ക് നേതൃത്വം നല്‍കും.