കോഴിക്കോട്: മതമൗലികവാദികളുടെ വോട്ടുവാങ്ങിയാണ് പിണറായി വിജയന്‍ മുഖ്യമന്ത്രിയായതെന്ന് കെ.എം ഷാജി എം.എല്‍.എ. മുസ്‌ലിം യൂത്ത്‌ലീഗ് സംസ്ഥാന കമ്മിറ്റി സംഘടിപ്പിച്ച പി.എം.ഹനീഫ് അനുസ്മരണ സമ്മേളനത്തില്‍ സംസാരിക്കുകയായിരുന്നു അദ്ദേഹം.
ജയിച്ചു കയറാന്‍ ആരുമായും കൂട്ടുകൂടുമെന്ന അവസ്ഥ അപകടകരമാണ്. നിലപാടുകളുടെ പേരില്‍ തോല്‍ക്കാനുള്ള ആര്‍ജവമാണ് ഉണ്ടാവേണ്ടത്. അഴീക്കോട്ട് തന്റെ എതിരാളിയായ കമ്മ്യൂണിസ്റ്റ് സ്ഥാനാര്‍ഥി എല്ലാ മതസംഘടനാ നേതാക്കളുടെയും തിണ്ണനിരങ്ങിയപ്പോള്‍ ഒരാളുടെയും അടുത്തു താന്‍ പോയിട്ടില്ല.
തോല്‍ക്കാനുള്ള ധൈര്യമാണ് തെരഞ്ഞെടുപ്പ് രാഷ്ട്രീയത്തില്‍ വേണ്ടതെന്നും ഷാജി കൂട്ടിച്ചേര്‍ത്തു.