കാഞ്ഞങ്ങാട്: വിമര്‍ശനങ്ങളിലെ ശരിയും തെറ്റും തിരിച്ചറിയണമെന്നും സ്വയം വിമര്‍ശനം കോണ്‍ഗ്രസില്‍ ഒട്ടനവധി തവണ ഉണ്ടായിട്ടുണ്ടെന്നും മുന്‍ മുഖ്യമന്ത്രി ഉമ്മന്‍ചാണ്ടി. വിമര്‍ശനങ്ങളില്‍ ശരിയുണ്ടെങ്കില്‍ അത് ഉള്‍ക്കൊള്ളും.
തെറ്റാണെങ്കില്‍ വിമര്‍ശിച്ചവരെ അത് ബോധ്യപ്പെടുത്തുമെന്നും ഉമ്മന്‍ചാണ്ടി വ്യക്തമാക്കി. ജനകീയ പ്രശ്‌നങ്ങളില്‍ പ്രതിപക്ഷ ഇടപെടല്‍ സംബന്ധിച്ച് മാധ്യമപ്രവര്‍ത്തകരുടെ ചോദ്യത്തിന് കാഞ്ഞങ്ങാട് റസ്റ്റ് ഹൗസില്‍ മറുപടി പറയുകയായിരുന്നു അദ്ദേഹം.
ഡി.സി. സി പ്രസിഡന്റ് ഹക്കീംകുന്നില്‍,പി.ഗംഗാധരന്‍നായര്‍, എം. സി ജോസ് തുടങ്ങി വിവിധ നേതാക്കള്‍ ഉമ്മന്‍ചാണ്ടിയോടൊപ്പമുണ്ടായിരുന്നു.