കോഴിക്കോട്: പുതിയങ്ങാടി വരക്കല്‍ മഖാമില്‍ നടക്കുന്ന ശൈഖുനാ ശംസുല്‍ ഉലമാ ഉറൂസിനോടനുബന്ധിച്ചുള്ള മതപ്രഭാഷണം കോഴിക്കോട് ഖാസി സയ്യിദ് നാസിര്‍ അബ്ദുല്‍ ഹയ്യ് ശിഹാബ് തങ്ങള്‍ ഉദ്ഘാടനം ചെയ്തു. കെ.ടി അബ്ദുല്‍ ജലീല്‍ ഫൈസി വെളിമുക്ക് അധ്യക്ഷനായി. ശമീര്‍ ദാരിമി കൊല്ലം പ്രഭാഷണം നടത്തി. ശക്കീര്‍ ഹൈതമി കീച്ചേരി ആമുഖപ്രഭാഷണം നടത്തി. മുഹമ്മദ് സഖാഫി മലയമ്മ, പി.എച്ച് മഹ്മൂദ്, മുഹമ്മദ് അന്‍സാരി റഹ്മാനി ചുള്ളിക്കോട് സംബന്ധിച്ചു. ഇന്നു വൈകിട്ട് നടക്കുന്ന മതപ്രഭാഷണം എന്‍. അബ്ദുല്ല മുസ്‌ലിയാരുടെ അധ്യക്ഷതയില്‍ മുനവ്വറലി ശിഹാബ് തങ്ങള്‍ ഉദ്ഘാടനം ചെയ്യും. ജലീല്‍ റഹ്മാനി വാണിയന്നൂര്‍ പ്രഭാഷണം നടത്തും.