വാഴക്കാട്: കണ്ണിയത്ത് ഉസ്താദ് മഖാം ഉറൂസ് നാലാം ദിവസമായ ഇന്നലെ നടന്ന മത പ്രഭാഷണം പാണക്കാട് സയ്യിദ് അബ്ബാസലി ശിഹാബ് തങ്ങള്‍ ഉദ്ഘാടനം ചെയ്തു. സയ്യിദ് കുഞ്ഞിസീതിക്കോയ തങ്ങള്‍ അധ്യക്ഷനായി. എസ്.കെ.എസ്.എസ്.എഫ് ജില്ലാ പ്രസിഡന്റ് സയ്യിദ് ഫഖ്‌റുദ്ദീന്‍ തങ്ങള്‍ ഹസനി ആമുഖഭാഷണം നടത്തി. ഷാജഹാന്‍ റഹ്മാനി കംബ്ലാക്കാട് മുഖ്യ പ്രഭാഷണം നടത്തി.
കബീര്‍ മുസ്‌ലിയാര്‍ മൂളപ്പുറം, കബീര്‍ ഹാജി മുണ്ടുമുഴി, റഫീഖ് ഫൈസി, അബ്ദുല്‍ ഗഫൂര്‍ ഫൈസി, സലാം മൗലവി വാവൂര്‍, അല്‍ജമാല്‍ നാസര്‍ സംസാരിച്ചു. സയ്യിദ് നാസര്‍ ഹയ്യ് ശിഹാബ് തങ്ങള്‍ പ്രാര്‍ഥനക്ക് നേതൃത്വം നല്‍കി. ഇന്ന് വൈകിട്ട് ഏഴിന് നടക്കുന്ന മതപ്രഭാഷണം സയ്യിദ് സാബിഖലി ശിഹാബ് തങ്ങള്‍ ഉദ്ഘാടനം ചെയ്യും. ഷമീര്‍ ദാരിമി പ്രഭാഷണം നടത്തും. റഷീദലി ശിഹാബ് തങ്ങള്‍ ദാരിമി പ്രാര്‍ഥനക്ക് നേതൃത്വം നല്‍കും.